Nehemia 13:25 - O Debleskro Lab 2024 (Sinte-Manouche)

²⁵ Oun me čingrom kol morshentsa, praasom len, oun dom ninna morshen lendar, oun tserdom lengre balla vin. Oun krom, te denn le pen sovel pash o Debleste, te denn le kek pengre čendar kol vavarengre čavende, oun lenn kek kolengre čendar penge oun pengre čavenge.

O Debleskro Drom 2021 (Sinte)

²⁵ Un me tchingrom kol murshentsa, praassom len, un dom ninna murshen lendar, un tserdom lengre balla win. Un krom, te denn le pen sowel pash o Debleste, te denn le kek pengre tchendar kol wawarengre tchawende, un lenn kek kolengre tchendar penge un pengre tchawenge.

Nehemia 13:25 Referans Kwoze

Nehemia 13:17

Kote čingrom ap i pralstunende an Youda oun poučom lendar, hoy kova te vell. “T'mer lenn o Debleske leskro dives krik”, penom me. “Ko dives, kay leske kokres hi.

Esra 10:5

Kote stas o Esra pre, oun las i sovel i pralstoune rashayendar oun i Levitarendar oun i tsele Israelendar, te krenn le pal kava lab. Oun yon dan pen sovel.

5. Mose 7:3

Ma romedinerenn kek lentsa! T'mare čen denn gar lengre morsh čavende! Oun lengre čen lenn gar t'mare morsh čavenge, te romedinerenn le len.

Nehemia 13:11

Kote čingrom ap i čačepangre morshende oun poučom: “Har nay vell yaake dour, te vell bouder kek boudi kerdo an o Debleskro kheer?” Oun me moukom i Levitaryen oun i gipangren pale pale te anell, oun dom hakenes peskri boudi!

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

Gosewe laba 28:4

Kolla, kay moukan o Debleskro drom, sharenn i čilačen. Kolla, kay djan ap o Debleskro drom, kourenn pen lentsa.

Debleskri gili 15:4

Kova, kay hadell gar kolen, kay kova krenna, hoy o baro Devel gar kamella, Na-a, yob hadell kolen, kay o baro Debleha djivenna. Yob krell, ap hoy yob pes sovel das, ninna te vell kova leske phares.

Nehemia 5:13

Ninna trisslom miri baya vin, oun penom: “Yaake trissell o Devel hakenes t'mendar, kay rikrell gar peskro lab. O Devel lell lestar leskro kheer oun lauter, hoy les hi.” Oun lauter, kay kote khetne van, penan: “Amen!” Oun yon sharan o baro Debles. Oun i menshe kran pal kol laba, har yon penan.

Esra 7:26

Hakeno, kay dell gar yak ap o lab tiro Deblestar oun rikrell pes gar ap o lab o rayestar, kova lell peskri phagi: nay vell, te vell lo maredo, pale-čiddo, hounte playsrell love, oder vell an o stilepen.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

Josua 23:12

Te rissrenn t'mer t'men lestar tele, oun čivenn t'men kol vavar menshentsa khetne, kay gomme an kava them djivenn, oun romedinerenn len,

2. Rajengro liil 2:24

Yob rissras pes trouyel, oun har yob len dikas, praasas yob len an o baro Debleskro lab. Koy van douy bere dran o veesh oun dandran star-deesh-te-douy kol morsh čavendar an kotya.

Nehemia 13:24

Oun o paash kolengre čavendar rakran ashdodikes oun hayvan gar o biboldengro rakepen. Yon rakran o rakepen kol vavar menshendar.

Debleskri gili 119:53

I rholi taprell man, te dikau, har i čilače moukan tiro drom.

Nehemia 5:6

Koy vas i bari rholi an mande pre, har shounom koy bari gole oun kol laba dran lengro mouy!