Nehemia 12:27 - O Debleskro Lab 2024 (Sinte-Manouche)

²⁷ Oun har i massouri troul o foro Yerusalem kerdo vas, kran le i baro festo, oun moukan i Levitaryen gole te dell dran lengre tsele gaba, te denn yon i massouri an o Debleskro vast oun parkrenn pen pash leste barhtele djiyentsa, oun givenn oun bashrenn leske ap sasterne patria, hoy venn khetne dino, oun ap doryengre bashepangre, hoy kharenna Harfe oun Laute.

O Debleskro Drom 2021 (Sinte)

²⁷ Un har i massuri trul o foro Jerusalem kerdo was, kran le i baro festo, un mukan i Levitarjen gole te dell dran lengre tsele gaba, te denn jon i massuri an o Debleskro wast un parkrenn pen pash leste bachtele djijentsa, un giwenn un bashrenn leske ap sasterne patria, hoi wenn khetne dino, un ap dorjengre bashepangre, hoi kharenna Harfe un Laute.

Nehemia 12:27 Referans Kwoze

1. Familjakro liil 15:16

Oun o David penas i pralstunenge pral i Levitarya, te rodenn yon gipangren vin dran pengre phralende. Kalla hounte givenn i barhtyatar i bari golyah, oun bashrenn ap i doryengre bashepangre oun vavar bashepangre.

2. Familjakro liil 29:30

Oun o Hiskiya oun i pralstoune penan ap i Levitarya, te sharenn le o baro Debles kol gilyentsa, hoy kras o David oun o dikepaskro, o Asaf. Oun yon givan barhteles, oun vitsran pen ap i phoub oun mangan o baro Debles an.

1. Familjakro liil 15:28

Yaake anan i tsele Israelitarya o morhton o baro Debleskre deesh labentsa pral an Yerusalem. Yon dan gole i barhtyatar, givan oun bashran ap phourdepangre, doryengre bashepangre oun vavar bashepangre.

5. Mose 20:5

Pal kova hounte rakrenn i pralstoune ap i kourepangre oun poučenn: Hi mank t'mende yek, kay i kheer pre tardo čivas oun moukas gomme gar o Debleskri barht pral kova vin te rakrell? Kova hounte djal pale an peskro kheer, te merell lo gar an o kourepen, oun i vavar morsh djivell an leskro kheer.

1. Familjakro liil 15:12

Oun yob penas ap lende: “T'mer han i pralstoune pral t'mare menshende dran o kheer Levi. Krenn t'men djoudjo o Debleske, t'mer oun t'mare phrala, te nay anenn o morhton o deesh labentsa o baro Deblestar, kay o Israeleskro Devel hi, ap ko kotar phoub, hoy me rodom leske vin!

1. Familjakro liil 15:4

Oun o David moukas ninna i čave o rashayestar Aron khetne te kharell oun i Levitarya:

Debleskro tsiro 5:8

Oun har las yob o liil, peran kol star zorele bolepangre oun kol biish-te-star čačepangre phoure glan o terno bakro tele. Oun hakenes lendar his i bashepaskri. Oun yon bashran i shoukar bashepen. Len his ninna sonakangre čare pherdo goudlo kasht, hoy o Debleske rhačedo vella, oun mishto soungella. Ko goudlo kasht hi o mangepen, hoy o Debleskre menshe pengro Deblestar mangan.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

Debleskri gili 149:3

Sharenn leskro lab an t'maro khelepen! Bashrenn leske ap i pauka oun i harfa!

Debleskri gili 30:1

I gili o Davidestar, te givenn le ap kol bare divessa, kay o Debleskro kheer kerdo vas.

Nehemia 11:20

Oun i tsele vavar Israelitarya, kol rashaya oun i Levitarya ačan an o vavar forya an o them Youda, hakeno ap peskro kotar phoub.

Nehemia 8:17

Oun i tsele menshe, kay khere van dran i themma, kay le pandle his, kolla kran penge khera dran patria oun djivan an lende. Kova kran i Israelitarya bouder gar yaake rah, har o Yosua moulo hi, koleskro dad o Noun his. Oun yon his boud boud barhtelo.

Esra 6:16

Oun i Israelitarya, i rashaya, i Levitarya oun kolla vavar, kay van dran o pandepen pale pale, rikran kol bare divessa i barhtele djiyentsa, kay dan le o Debleskro nevo kheer an leskre vasta.

2. Familjakro liil 7:6

Oun i rashaya kran pengri boudi. Oun i Levitarya his pashel tardo oun bashran ap pengre doryengre bashepangre, hoy kerdo his o baro Debleske. Kal bashepangre moukas o baro ray, o David glan i tsiro te krell, te sharenn le o baro Debles. Yon bashran oun givan koy Debleskri gili, hoy o David kras: “Leskro lačepen hi an hako tsiro menge koy.” Oun i rashaya his ap i vavar rig tardo, oun phourdan an i phourdepangre. Oun i tsele Israelitarya his koy tardo.

1. Familjakro liil 26:31

O pralstouno pral o kheer Hebron peskre tsele familyentsa his o Yeriya. Har his o David an o star-deshto bersh o baro ray, rodan le an-dikle morsha mank lende oun hatsan len an o foro Yaser an o them Gilead.

1. Familjakro liil 23:5

4.000 (star zerya) morsha van voudyengre morsha, kay hounte denn garda ap i voudya. Oun 4.000 (star zerya) morsha van gipangre, kay givenn gilya o baro Debleske, oun bashrenn koy pashel ap kol bashepangre, hoy moukas o David koleske te krell.

1. Familjakro liil 16:42

Yon sharan o Debles pengro bashepah, oun bashran ap i phourdepangre oun doryengre bashepangre oun vavar bashepangre. I čaven o morshestar Yedoutoun das o David koy boudi, te denn le garda ap i voudya.

1. Familjakro liil 16:5

Kolla his: o Asaf, lengro pralstuno; o Zakarie his o douyto; pal leste o Yasiel, o Semiramot, o Yehiel, o Mattitya, o Eliab, o Benaya, o Obed-Edom oun o Yehiel. Yon te givenn oun bashrenn ap pengre doryengre bashepangre. Oun o Asaf te dell ap i sasterne patria.

1. Familjakro liil 13:8

O David oun i tsele menshe an Israel khelan barhteles glan o Debleste, givan gilya, oun kran bashepen ap doryengre bashepangre, ap pauke, ap phourdepangre oun vavar bashepangre.

2. Samuel 6:12

Oun o baro rayeske David vas penlo, kay čivas o baro Devel peskri barht oun zoor ap o Obed-Edomeskro kheer, oun ap lauter, hoy les his, doleske, kay o Debleskro morhton pash leste hi. Koy djas o David koy oun las o Debleskro morhton dran o kheer foun o Obed-Edom, oun anas les an o Davideskro foro i barhtelo djiyeha.

1. Rajengro liil 8:63

Oun o Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell, te rhan le len khetne glan o baro Debleste. Yaake dan le o kheer o baro Debleste, te vell les leskro kheer. Kova kras o ray Salomo khetne i tsele Israelitarya.

2. Familjakro liil 29:25

Oun yob penas, te čivenn pen i Levitarya pre an o baro Debleskro kheer oun lenn pengre bashepangre an o vast: kol cimbale, harfe oun vavar doryengre bashepangre. Yaake penas les o David, har leske penlo vas, kay o baro Devel kova yaake kamell. Kova penan leske o dikepaskro, o Gad, oun o Debleskro rakepaskro, o Natan.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.