Nehemia 11:30 - O Debleskro Lab 2024 (Sinte-Manouche)

³⁰ Zanoa, Adullam oun leskre gaba, Lakish oun o them koy trouyel, Aseka oun leskre gaba. Yaake djivan le an ko tselo them mank o foro Beersheba oun i tala Hinnom.

O Debleskro Drom 2021 (Sinte)

³⁰ Sanoach, Adullam un leskre gaba, Lakish un o them koi trujel, Aseka un leskre gaba. Jaake djiwan le an ko tselo them mank o foro Beersheba un i tala Hinnom.

Nehemia 11:30 Referans Kwoze

Josua 15:8

oun foun kotar doureder pre an i tala Ben-Hinnom, hoy ap koy rig koy bergatar čiddo hi, kay o kham pralstounes tardo hi. Ap koy berga hi ko foro čiddo, kay i Yebousarya djivan. Kava foro hi kanna Yerusalem. Oun kotar djas o drom doureder bis pral pre ap i berga, hoy hadell pes ap koy rig foun i tala Hinnom, kay o kham tele djal. Kay berga hi čiddo ap i nordetikri rig ko telstouno themestar, hoy kharell Refayim.

Josua 10:3

Oun o Adoni-Zedek, ko ray pral Yerusalem, bičras morshen pash i bare rayende pral star vavar forya: pash o Hoham, ko ray pral Hebron, oun pash o Piram, ko ray pral Yarmout, oun pash o Yafia, ko ray pral Lakish, oun pash o Debir, ko ray pral Eglon. Oun yob moukas lenge te penell:

Micha 1:15

T'mer, kay djivenn an o gab Maresha, me anau koles pral t'mende, kay ninna t'maro foro dren lell. Oun i bare oun an-dikle morsha an Israel nashenn penge, oun khatrenn pen pash o foro Adullam.

Jeremia 32:35

Oun yon kran moulne platse o rhorheno debleske, o Baaleske an o telstouno them, kay kharella Ben-Hinnom, te nay moukenn le pengre čaven oun čen o debleske Molok an i yag te djal. Savo koova penom me lenge gar. Oun an kek tsiro vas mange kova an miro shero dren, te poučoms savo koova lendar. Har yon savo djoungelo koova kran, anan le i doosh ap o tselo them Youda.

Jeremia 19:6

Doleske vell i tsiro, kay penenn yon ap kay platsa gar bouder Tofet oun tala Hinnom. Yon penenn koy pre marepaskri platsa.

Jeremia 19:2

Oun dja vin an koy tala Ben-Hinnom, kay glan ko foreskro voudar hi, kay i paash-dine pirya čiddo hi. Oun pen i menshenge kol laba, hoy me touke penau.

Jesaja 37:8

An ko tsiro his o baro ray pral o them Assour bouder gar an o foro Lakish. Yob djas doureder an o kourepen o foreha Libna. Har leskro pralstouno, koles yob pash o Hiskiya bičras, kova shounas, djas lo kote pale.

Nehemia 3:13

O Telstouno Voudar kras o Hanoun oun kol menshe, kay an foro Zanoa djivan. Oun yon čivan kol douy voudya dren, oun i kashtengre oun o saster, hoy i voudya pandenna. Oun yon kran ko kotar massouri bis pash o firhengro Fouleskro Voudar. Ko kotar massouri his yek seri moussya lengsto.

2. Rajengro liil 23:10

O Yosia kras ninna koy platsa pale-čiddo, hoy kharella Tofet, oun hi an i tala Hinnom čiddo. Kova kras lo, te nay rhačrell kek peskro čaves vitar gar peskri čay an i yag o rhorheno debleske Molok.

Josua 18:16

Oun kotar djas o drom tele glan i berga, hoy hadell pes glan i tala Hinnom. Kay berga hi čiddo ap i nordetikri rig ko telstouno themestar, hoy kharell Refayim. Palle djas o drom tele an i tala Hinnom oun doureder an i tala langs koy berga, kay ko foro čiddo hi, kay i Yebousarya djivan, ap koy rig i bergatar, kay o kham pralstounes hi. Foun kotar djal lo tele bis pash o pani En-Rogel,

Josua 15:39

Lakish, Bozkat, Eglon,

Josua 12:15

Libna, Adullam,

1. Mose 21:14

Sik taysarlakro stas o Abraham pre, las maro oun i gono pherdo pani oun čivas kova i Hagar ap o phiko, das late ninna o čaves, oun bičras len pestar krik. Koy djas yoy peske oun nashas trouyel an o moulo tato them pash o foro Beersheba.

1. Mose 25:16

Kolla his i deesh-te-douy čave o Ismaelestar. Hakeno his o pralstouno pral i bari familya. Yon dan pengro lab kol gaba oun platse, kay lengre plarhtene khera tardo his.

Nehemia 11:29

En-Rimmon, Zora, Yarmout,

Nehemia 11:31

I menshe Benyamin djivan an i forya: Geba, Mikmas, Aya, Betel oun leskre gaba,