Nehemia 1:11 - O Debleskro Lab 2024 (Sinte-Manouche)

¹¹ Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

O Debleskro Drom 2021 (Sinte)

¹¹ Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Nehemia 1:11 Referans Kwoze

Nehemia 1:6

Dik lačes ap mande, tiro boudepaskro, oun shoun, hoy toutar mangau. Dives oun rati mangau i Israelenge, tire boudepangre. Oun o čilačepen, hoy mer ap toute kram, anau me pash toute: Me oun miro dadeskro kheer anam ninna doosh ap mende.

Nehemia 2:8

Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.

Nehemia 2:1

Oun an ko tsiro, har his o Artaxerxes an o biishto bersh o baro ray, an o čon Nisan, homs glan leste tardo. Pash o rhapen lom me i mool oun dom lat o baro rayeste. Mange his ropaske. Glan kova dikas lo kek tsireske, kay miro dji rovas.

Hebrearja 13:18

Mangenn o Debles menge! Maro dji hi djoudjo. Kova djinah mer. Hako tsiro kamah kova te krell, hoy lačo hi.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Debleskri gili 130:2

Miro ray, shoun man! Shoun, har ap toute rovau!

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Debleskri gili 86:6

Baro Devel, shoun miro mangepen! Shoun, har rovau ap toute!

Esra 1:1

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

1. Mose 40:21

Oun yob das o pralstounes pral o pipen pale leskri boudi, te dell yob o baro rayes pale te piyell.

1. Mose 40:23

Oun o pralstouno pral o pipen bistras o Yosefes. Oun yob vas leske bouder gar an o shero.

1. Mose 41:9

Koy penas o pralstouno pral o pipen ap o baro rayeste: “Kava dives vell mange miri doosh an miro shero.

1. Mose 32:11

Me, tiro boudepaskro, hom gar moldo, kay hal yaake lačo oun kamlo ap mande. Har djom pral o pani Yordan, his man či har i kasht an o vast. Kanna hi man i bari familya oun kal boud firhe, kay hi ap douy bare platse.

Gosewe laba 1:29

Yon kaman o čačepen gar te djinell, oun gar o baro Debleha te djivell.

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Mose 32:28

Koy poučas lestar ko morsh: “Har khareh tou?” “Yakob”, penas yob.

1. Mose 40:2

Oun o baro ray vas an i bari rholi pral kol douyende,

1. Mose 24:42

Yaake vom kava dives pash kava pani oun penom: Baro Devel, o Devel miro rayestar Abraham, te deh tou čačepah barht ap ko drom, kay me djau, sike les mande!

1. Mose 40:1

Pal ko tsiro anan douy pralstoune boudepangre an o baro rayeskro kheer doosh ap pende. Kol douy his i pralstoune pral o pipen oun o pral o maro.

2. Familjakro liil 6:40

Kanna, miro Devel, dik hako tsiro lačes ap mende, oun shoun maro mangepen, hoy kate mangah!

Debleskri gili 61:5

Mouk man an tiro kheer te djivell hako tsiro, tel tire moussya man te khatrell, har i tikno čirklo khatrell pes tel peskri dakre moussya.

Debleskri gili 106:46

Oun yob kras, te dikan lauter kolla lačes ap lende, kay len pandan.

Jeremia 42:12

Me krau t'menge miro dji pre, oun krau, te krell yob t'menge peskro dji pre, oun moukell t'men pale ap t'mari phoub khere te vell.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.