Nahum 3:14 - O Debleskro Lab 2024 (Sinte-Manouche)

¹⁴ Hidjenn t'menge pani khetne ko tsireske, kay čivenn pen i lourde troul t'maro foro tardo, oun t'mer yaake dren pandlo han. Dikenn pal t'mare massurya, krenn len zorleder! Stakrenn koy čik, kolatar t'mer barra rhačenn! Krenn zorele barra!

O Debleskro Drom 2021 (Sinte)

¹⁴ Hidjenn tumenge pani khetne ko tsireske, kai tchiwenn pen i lurde trul tumaro foro tardo, un tumer jaake dren pandlo han. Dikenn pal tumare massurja, krenn len sorleder! Stakrenn koi tchik, kolatar tumer barra chatchenn! Krenn sorele barra!

Nahum 3:14 Referans Kwoze

Nahum 2:1

T'mer menshe an Youda, dikenn: Pral i berge vell i morsh, kay anell i lačo lab. Yob penell: O kourepaskro tsiro hi trouyel! Rikrenn pale t'mare bare divessa oun avenn barhtelo koy dren! Denn o Debleske kova, koleske t'men sovel dan. Ko čilačo, kay halauter paash das, vell bouder gar an t'maro them. Yob hi bouder gar koy.

Jeremia 46:9

Mishto, beshenn t'men ap i graya, oulerenn o kourepangre vourdyentsa! Bičrenn t'mare zorele kourepangren vin, kolen dran i themma Etiopia oun Libia, kolen, kay shilte hidjrenna, oun kolen dran Loud, kay bogentsa karye denna!

Jesaja 37:25

An i vavarengro them pani hatsom, oun kolestar piyom. Pash i Egiptarya kanna djau, oun lengre panya mire pirentsa trouk krau.”

Jesaja 8:9

Shounenn, t'mer menshe an dour themma! Ninna te čivenn t'men khetne, te djan ap o Youda, ninna te denn i kourepaskri gole, t'mer venn khetne stakedo!

2. Familjakro liil 32:11

O Hiskiya penell t'menge rhorhene laba, te penell lo t'menge: O baro Devel hi maro Devel, yob lell men vin dran o vast o baro rayestar pral o them Assour. Čačepah, yob moukell t'men i bokatar oun i troushatar te merell.

Nahum 2:2

T'mer menshe an o foro Ninive, kourepangre venna, te krenn le t'maro foro paash. Denn garda ap o foreskri massouri! Rikrenn i dromma an i yak! Lenn i rhare an o vast! Anenn t'mare tsele lourden khetne!