Nahum 2:13 - O Debleskro Lab 2024 (Sinte-Manouche)

¹³ O levo randas oun tapras yaake boud firhen, te van leskre čave oun leskre romya čalo. Leskro khatepen kras lo pherdo koleha, hoy lo randas oun maras.

O Debleskro Drom 2021 (Sinte)

¹³ O lewo randas un tapras jaake bud viechen, te wan leskre tchawe un leskre romja tchalo. Leskro khatepen kras lo pherdo koleha, hoi lo randas un maras.

Nahum 2:13 Referans Kwoze

Nahum 3:5

Dik, penell o baro Devel, ko ray pral o bolepen oun i phoub, kanna dau tout tiri phagi. Me čakrau tiro ripen pre, hadau les pral tiro shero, te hal vin rido tardo glan i menshende an i vavar themma, oun hounte ladjess tout glan lende.

Jeremia 21:13

Denn yak, penell o baro Devel: Kanna vau me pral t'mende, kay djivenn pral i tala ap ko baro bar. T'mer penenn: Kek nay vell pral mende. Kek nay vell an maro kheer.

Debleskri gili 46:9

Avenn oun dikenn ko baro koova, hoy o baro Devel kras! Dareno koova krell lo ap i phoub:

2. Rajengro liil 19:23

Tire bičepangren bičral, te praasenn le man, oun penal: “Pral ap i berge mire vourdyentsa djom, oun dour dren an o Libanon vom. I bare oun shoukar rouka trouyel dom, oun an o divyo veesh lengro khatepen hatsom.

Nahum 3:1

Har djoungeles djal touke, tou foro, kay yaake boud rat nashas! Tou hal pherdo rhorhepen oun čoredo bravlepen, oun nay moukeh tiro randepen gar.

Ezekiel 5:8

Doleske shounenn, t'mer menshe an Yerusalem, hoy penau me, o baro Devel, t'maro ray: Kanna sikrau les t'menge! Oun dau t'men t'mari phagi glan i yaka kol vavar menshendar.

2. Rajengro liil 19:9

Oun o baro ray pral o them Assour shounas, kay hi o baro ray Tiraka dran o them Etiopia peskre lourdentsa ap o drom, te kourell lo pes leha. Kote bičras yob morshen pash o Hiskiya, ko baro rayeste pral o them Youda,

Josua 11:9

Oun o Yosua kras lentsa yaake har o baro Devel kova leske penas: lengre grayenge činas lo an i herya yaake te nay nashan le bouder gar. Oun lengre vourdya rhačras lo pre.

Nahum 3:12

Tire zorele barrengre khera hi har fayge ap i rouk. Vell ko rouk trisslemen, perenn kol fayge koleske an o mouy, kay les trisslell. Yaake sik perell ninna tiro foro an i vasta kolendar, kay kourenn pen leha.

Ezekiel 39:1

Tou, mensho, pen ap o Gog, hoy pral leste vella! Pen: Kava penell o baro Devel, maro ray: Kanna sikrau les touke, Gog, tou pralstouno pral i natsyone Meshek oun Toubal.

Ezekiel 38:3

Pen: Kava penell o baro Devel, maro ray: Gog, tou pralstouno pral i natsyone Meshek oun Toubal, kanna sikrau les touke!

Ezekiel 35:3

Pen leske: Kava penell o baro Devel, maro ray: Kanna sikrau les touke, tou berga Seir. Oun djau zoryah ap toute pre, oun krau toutar te vess i moulo oun mouklo them.

Ezekiel 29:10

Doleske shoun! Kanna sikrau les touke oun tire lengste panya. O tselo them Egiptia vell i moulo them, kay či har barra pral ačenn foun o foro Migdol bis pash o foro Syene oun bis ap koy rig, kay o them Etiopia čiddo hi.

Ezekiel 29:3

Pen leske: Kava penell o baro Devel, maro ray: Tou Farao, baro ray pral Egiptia, kanna sikrau les touke! Tou hal har i baro čilačo firho čiddo an tire bare lengste panya, oun peneh: “Ko baro lengsto pani hi miro. Mange krom les.”

Ezekiel 28:22

Oun pen: Kava penell o baro Devel, maro ray: Kanna sikrau les touke, tou foro Sidon! Ap toute sikrau, har baro oun zorelo me hom, te dikenn oun hayvenn i menshe an toute, te hom me o baro Devel. Te vell miri phagi pral toute, sikrau i menshende, te hom o čačo Devel.

Ezekiel 26:3

Doleske penell o baro Devel, maro ray: Kanna sikrau les touke, tou foro Tirus! Dran boud themma anau me lourden kourepaske touha. Yek them pal o vavar djal ap toute pre, yaake har dell o baro pani ap o themeskri rig.

Jeremia 51:25

Babilon, tou marepaskri berga, tou, kay o merepen anal pral i tseli phoub, dik, me vau pral toute, penell o baro Devel. Me taprau tout miro vasteha, oun vitsrau tout i berga tele. Hoy toutar ačell hi rhačede barra.

Jeremia 50:31

Dik, tou pre-phourdo, me kamau ap toute te vell, penell o baro Devel, ko ray pral o bolepen oun i phoub; tiro dives vas, ko tsiro, kay tiri phagi leh.

2. Familjakro liil 32:19

Oun yon rakran djoungele laba pral o Debleste, kay an o foro Yerusalem djivell, har te vals lo i devel har kolla, kay i menshengre vastentsa kerdo hi, oun kolen i menshe an vavar themma an-mangenn.

2. Rajengro liil 18:19

Oun yek kol triin pralstunendar dran o them Assour penas ap lende: “Penenn t'maro rayeske Hiskiya: Yaake rakrell o baro ray, ko ray pral o them Assour: Har nay patseh, te hals zoreles doha te kouress tout mantsa?

2. Rajengro liil 18:17

Oun o baro ray pral o them Assour bičras peskre triin pralstoune morshen pash o Hiskiya: o Tartan, o Rabsaris oun o Rabshake. Kolla djan boud lourdentsa dran o foro Lakish pre an o foro Yerusalem. Oun har le koy van, ačan le pral tardo pash o panyeskro drom, kay nashell o pani an o foro Yerusalem. Kova hi pash koy platsa, kay i djouvya pengre koola thovenna.

Josua 11:6

Kote penas o baro Devel ap o Yosua: “Ma dare gar lendar! Taysar kava tsireske dan t'mer len halauter moulo. Oun kova krau me t'menge. Palle činenn lengre grayen an i herya yaake te nay nashenn le bouder gar! Oun lengre vourdya rhačrenn pre!”

Jeremia 46:14

Denn vin gole an o them Egiptia! Penenn i menshenge an i forya Migdol, Memfis oun Tapanes: Kourenn t'men kolentsa, kay ap t'mende pre djan! O rharo rhal kolen, kay troul t'mende hi.

Ezekiel 13:8

Doleske penell o baro Devel, maro ray: T'mer rakrenn, hoy gar čačo hi, oun penenn glan-vi, hoy rhorhepen hi, doleske vau me pral t'mende, penell o baro Devel, maro ray.

Ezekiel 21:3

Pen leske: Kava penell o baro Devel, maro ray: Shoun, hoy touke penau! Me krau i yag an toute, koya rhačrell hako rouk, hoy zenelo hi oun koles, hoy trouk hi. Kek nay krell koy yag vin. Koya djal doureder an o tselo them, yek rigyatar ap i vavar. Oun o tatepen rhačrell hakeneske peskro mouy.

Nahum 2:12

Hoy vas kanna dran o foro Ninive? O foro his har i khatepen, kay o levo oun i levetsa pengre ternentsa trouyel nashan, oun kek koy his, kay lenge kote nay daar krals.

Nahum 3:15

Ninna te krenn kova lauter, vell i yag oun rhal t'men, oun i lourde pengre rharentsa marenn t'men. Ninna te han t'mer yaake boud har stepangre, t'mendar ačell gar boudeder pral har i harhetikri phoubyatar, kay rhan i stepangre o djob pre.