Nahum 1:11 - O Debleskro Lab 2024 (Sinte-Manouche)

¹¹ Dran toute, Ninive, vas ko morsh, kay hadas pes pral o baro Debleste, oun koles čilačepen an o shero his.

O Debleskro Drom 2021 (Sinte)

¹¹ Dran tute, Ninive, was ko mursh, kai hadas pes pral o baro Debleste, un koles tchilatchepen an o shero his.

Nahum 1:11 Referans Kwoze

Nahum 1:9

T'mer hadenn t'men pral o baro Debleste. Hoske? Yob dell t'men yek dap, te merenn halauter. Koy bibarht vell gar i douyto kopo.

2. Familjakro liil 13:7

Oun leske ap i rig van či-molde, čilače morsha, oun yon van zorleder har o Roboam, o Salomeskro čavo; an ko tsiro his o Roboam terno, oun leskro dji his gar zorelo. Yaake nay rikras lo pes gar zoreles glan lende.

2. Rajengro liil 18:30

Ma moukenn t'men dren te rakrell, te dikenn ap o baro Debleste! Te penell o Hiskiya t'menge: O baro Devel kourell pes menge oun tserdell men kote vin, oun kava foro vell gar dino an o vast o baro rayestar pral o them Assour, ma patsenn kova!

2. Samuel 20:1

Kova his yaake, kay koy an Gilgal i morsh his, kay či-moldo his. Leskro lab his Sheba. Leskro dad his o Bikri i menshendar Benyamin. O Sheba phourdas an i phourdepaskri oun penas: “T'mer morsha dran Israel! O David hi gar mare menshendar. Men hi či te krell o Isayeskro čaveha. Hakeno t'mendar te djal an peskro kheer!”

1. Samuel 2:12

O Eliyeskre čave his čilače oun kaman o baro Deblestar či te djinell.

Ezekiel 11:2

Oun o baro Devel penas ap mande: Tou, mensho, kalla hi kol morsha, kolen čilačepen glan hi. Te poučenn i menshe an o foro lendar: “Hoy hounte kras mer?” Palle penenn le lenge savo koova, hoy anell len an i bibarht.

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.