Nahum 1:10 - O Debleskro Lab 2024 (Sinte-Manouche)

¹⁰ T'mer han či har soubyengre kashta, hoy či-moldo hi, oun hoy an i yag vitsedo venn, oun pre-rhačenn har trouk phouss, te ačell či lendar pral.

O Debleskro Drom 2021 (Sinte)

¹⁰ Tumer han tchi har subjengre kashta, hoi tchi-moldo hi, un hoi an i jag witsedo wenn, un pre-chatchenn har truk phuss, te atchell tchi lendar pral.

Nahum 1:10 Referans Kwoze

Micha 7:4

I feteder oun lačeder lendar denn čourye har soubyengre bourra. O dives vell sik, kay t'mari phagi vell, ko dives, koles kolla glan-vi dikan, kay dan t'men trad. An ko tsiro vell i daar pral t'mende, te djinenn bouder gar, hoy te krenn.

Nahum 3:11

Ninna tou, Ninive, veh mato i doukatar oun dinelo an o shero. Ninna tou rodeh, kay tout nay khatress kolendar, kay kamenn tout te marell.

Jesaja 9:18

I rholi o baro Deblestar, ko rayestar pral o bolepen oun i phoub, hi har i yag: O them rhačell, oun i menshe rhačrenn ninna. Oun kek rovas o vavareske, oun hakeno dikas kokres ap peste.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jeremia 51:57

O baro Devel penell: Me krau len mato, kol pralstunen an Babilon, kol goseve morshen, themeskre rayen, pralstoune lourden, oun kol vavar lourden an Babilon, te perenn le an i sopen, kolestar yon bouder gar pre stenn. Kova penell o baro ray, koleskro lab hi: baro Devel, ko ray pral o bolepen oun i phoub.

Jeremia 51:39

Len hi bari bok – oun me krau lenge i rhapen, oun krau, te piyenn le pen mates, oun lenge hi halauter sapaske. Palle sovenn le dren hako tsireske, oun stenn bouder gar pre. Kova penell o baro Devel.

Jesaja 27:4

Me hom bouder gar rhoyedo ap leste. Te hatsoms soubyengre bourra oun soubyengro zenlepen dren, djoms ap lende oun rhačroms len halauter pre.

Debleskri gili 68:2

O Devel stell pre, oun tradell kolen krik, kay kamenn les gar; ava, kolla, kay hi rhoyedo ap leste, hounte nashenn lestar.

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

1. Samuel 25:36

Oun har i Abigayil khere vas, his o Nabal koy beshdo pash i baro rhapen har i baro rayeske. Oun leskro dji bashras, oun yob his boud mato. Oun i Abigayil penas leske či, kek lab.

Debleskri gili 118:12

Yon peran ap mande pre har i bine. An i zoor o baro Deblestar nay tradom len pale. Har i yag sik vin djal, hoy an i soubyengre bourra rhačell, yaake sik his le krik.

Jesaja 47:14

Dik, yon van har činlo phouss, hoy i yag pre rhačrell! Kaya hi gar i tikni yag, pash kolate besheh oun tout tatsreh. Na-a, yaake zorelo hi koy yag, te nay nashenn le gar penge, oun nay lenn gar pengro djipen vin.

Jesaja 56:12

Yon denn gole: Avenn kay, me kamau mool te anell, te piyas men mates! Oun taysar krah har kava dives, oun gomme shoukeder!

2. Mose 5:12

Koy djan kol menshe trouyel an o tselo them Egiptia, te čivenn le penge phouss khetne.

2. Mose 15:7

Raylo oun baro hal, oun khetne stakral, koon pes pral toute hadas. Tiri rholi vas har i yag pral lende. Har i yag o phouss rhačrell, yaake lendar či ačell.