Micha 7:7 - O Debleskro Lab 2024 (Sinte-Manouche)

⁷ Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

O Debleskro Drom 2021 (Sinte)

⁷ Me kamau te dikap ap o baro Debleste, un rikrau man ap leste, te well lo ap miri rig. Miro Dewel shunell miri gole.

Micha 7:7 Referans Kwoze

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Debleskri gili 25:5

Sike mande, har te djivap miro djipen an tiro čačepen! Tou hal miro Devel, kay rikrell man! Hako dives dikau ap toute.

Debleskri gili 130:5

Ap toute, baro Devel, rikrau me, miro tselo djiyestar dikau ap toute, te rakress mantsa.

Debleskri gili 109:4

Yon kamenn mange čilačepen, ninna te hom kamlo ap lende. Me mangau toutar lačepen lenge.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Debleskri gili 65:2

Tou, Devel, kay djiveh ap i berga Sion, tou hal moldo, te sharas tout, oun rikras mare sobya, hoy touke dam.

1. Mose 49:18

Baro Devel, ab ap miri rig!

Debleskri gili 38:15

Ava, me vom har i morsh, kay bouder či shounell, kay les bouder kek lab an o mouy hi, hoy yob pale nay rakrell.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Jesaja 17:7

Ap ko dives dikenn i menshe ap koleste, kay len kras. Kova hi o Israeleskro Devel.

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Hosea 12:6

yob, o ray pral o bolepen oun i phoub, leskro lab hi baro Devel.

Joel 1:19

Baro Devel, ap toute dau gole! I yag rhačras o khass an o divyo them, oun i tsele rouka an o veesh.

Habakuk 2:1

Kate hom tardo ap miro turmo, oun dau garda, te dikap, hoy yob mantsa rakrell, oun have laba yob mange pale penell, ap kova, hoy me leske halauter glan rikrom.

4. Mose 5:28

Te anas savi djouvel gar ladj ap peste, oun kek doosh hi ap late, palle vell yoy gar nasselo, oun nay vell an vavar koova.

Debleskri gili 85:5

Maro Devel, kay tou lauter menge mishto kreh, ab ninna kanna ap mari rig! Mouk tele tiri rholyatar, hoy tout ap mende hi!

Ropaskre gilja 3:24

Me penau mange: O baro Devel hi halauter, hoy man hounte vell; doleske dikau ap leste.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.