Micha 5:6 - O Debleskro Lab 2024 (Sinte-Manouche)

⁶ Oun kolla kay djido ačan o Yakobeskre čavendar, djivenn mank vavar menshende an boud themma. Lenge hi le har o pani, hoy moukell o baro Devel taysarlakro ap o zenlepen te perell, oun har o brishin, hoy o zenlepen sapeno krell. Kek mensho hounte penell lenge, hoy te krenn le.

O Debleskro Drom 2021 (Sinte)

⁶ Un kolla kai djido atchan o Jakobeskre tchawendar, djiwenn mank wawar menshende an bud themma. Lenge hi le har o pani, hoi mukell o baro Dewel taissarlakro ap o senlepen te perell, un har o brishin, hoi o senlepen sapeno krell. Kek mensho hunte penell lenge, hoi te krenn le.

Micha 5:6 Referans Kwoze

Jesaja 14:25

Me dau i Assiryen an miro them, ap mire berge stakrau len khetne, te nay rikrenn le bouder gar mire menshen tele, oun krenn lenge bouder gar i pharo djipen.

Louka 1:74

te lell lo men dran i čilače vasta vin, te boudrah nay leske, oun trashah bouder gar,

Louka 1:71

te lell men o Devel dran i vasta kolendar vin, kay kamenn men te marell, ava, te lell lo men dran i vasta kolendar vin, kay men gar kamenna.

Zefanja 2:13

Oun o baro Devel hadell peskro vast ap koy rig, kay norden hi, te krell lo o them Assour paash. Oun o forestar Ninive ačell či har paash-dine khera. O foro vell har i moulo them, kay bouder kek menshe djivenna.

Nahum 2:11

Khetne stakedo oun vi-čoredo vell o foro. Halauteren hi darene djia, lengre herya trissenn i daryatar. Yon djan bango i doukatar, lenge mouya hi parno.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 14:2

Oun menshe dran vavar themma anenn i Israelitaryen an ko them pale, hoy o baro Devel len das. Oun kol vi-themarya, morsha oun djouvya, venn lengre boudepangre. Oun kolla, kay i Israelitaryen pandles krik lan, kolen lenn yon pandles, oun venn i raya pral kolende, kay rikran len tele.

2. Familjakro liil 33:11

Doleske moukas o baro Devel i pralstunen pengre lourdentsa dran o them Assour pral lende te vell; kolla tapran o Manasse i sasteha oun pandan les shellentsa dran lolo saster, oun anan les an o them Babilonia.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Jesaja 37:37

Oun o Sanherib, ko baro ray pral o them Assour, moukas i plarhtene khera tele te phagell, oun djas peskre lourdentsa pale pale, oun ačas an o foro Ninive.

5. Mose 32:2

Kova hoy me t'men sikrau, hi har o brishin ap o zenlepen. oun miro rakepen har i sapeno dourho ap o khass.

1. Familjakro liil 1:10

O Koush his o phouro dad ko morshestar Nimrod. Kova his o ersto, kay kras pes lo i zorelo ap kay phoub.

Hiob 29:22

Pal mande penas bouder kek vavar čomone. Mire laba peran ap lende tele har lačo brishin.

Debleskri gili 72:6

Mouk les te vell har o brishin, hoy perell ap i phoub, har o pani, hoy krell o them sapeno.

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Zefanja 3:12

Kokres čorvele menshen, oun saven, kay rikrenn gar boud pendar, moukau djido an tiro them. Kolla patsenn pengro tselo djiyeha ap o baro Debleste.