Micha 2:7 - O Debleskro Lab 2024 (Sinte-Manouche)

⁷ Hi o Yakobeskro kheer praasedo? Patseh, o baro Devel hi sik rhoyedo? Sau koova anell lo gar pral mende! Ava, mire laba hi lačes ap kolende, kay djan o čačo drom!

O Debleskro Drom 2021 (Sinte)

⁷ Hi o Jakobeskro kheer praassedo? Patseh, o baro Dewel hi sik chojedo? Sau koowa anell lo gar pral mende! Awa, mire laba hi latches ap kolende, kai djan o tchatcho drom!

Micha 2:7 Referans Kwoze

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Debleskri gili 15:2

Koles kokres, kay i djoudjo djipen djivell, oun hako tsiro krell, hoy čačo hi. Kova, kay kek rhorhepen rakrella,

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Gosewe laba 28:18

Kova, kay i djoudjo djipen djivell, vell vin lino dran i bibarht. Kova, kay ap douy dromma djal, perell ap yekeste.

Gosewe laba 10:29

O drom o baro Deblestar hi har i zorelo kheer kolenge, kay an o čačepen tardo hi. I čilačen anell lo an o merepen.

Gosewe laba 10:9

Kova, kay an o čačepen djivell, hounte darell gar. Kova, kay ap bange dromma djal, vell tapedo.

2. Timoteo 3:5

Kolla krenn yaake, har te vans le patslo. Yon prindjrenn gar koy zoor, hoy vell dran o čačo patsepen. Rike tout save menshendar pale!

2. Korintarja 6:12

Maro kamlepen t'menge hi gar tikno. T'maro kamlepen menge vas tikno.

Remarja 7:13

Kanna poučau t'mendar: Anell man kova, hoy lačo hi, an o merepen? Na-a. Kova hi gar yaake. O čilačepen, hoy krom, kova anell man an o merepen. Kol laba, hoy penenn menge, hoy o Devel mendar kamella, kol laba sikran man, hoy čilačo hi, te dikap me, har djoungelo o čilačepen hi.

Johanni 8:39

Koy penan yon ap leste: “Maro dad hi o Abraham.” Penas o Yezous: “Te vans t'mer lestar, krans, hoy yob kras.

Mateo 3:8

Sikrenn i menshende, te djan t'mer ap o Debleskro drom oun bouder gar ap o čilačo drom!

Micha 3:9

Yaake shounenn kova, t'mer pralstoune an o kheer Yakob, oun t'mer raya an o kheer Israel! T'mer, kay stakrenn t'mare pirentsa ap o čačepen trouyel, oun penenn foun kova, hoy čačo hi: Kova hi rhorhepen.

Jeremia 2:4

Shounenn o baro Debleskro lab, t'mer Israelitarya, t'mer, o Yakobeskre menshe!

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Gosewe laba 14:2

Kova, kay kamell o baro Debleha te djivell, djal o čačo drom. Koon či lestar kamell te djinell, djal ap bange dromma.

Gosewe laba 2:7

Kolen, kay an o čačepen tardo hi, dell lo, hoy len hounte vell. Oun dell yak ap kolende, kay leskro drom djan, te krell lenge kek čomone.

Debleskri gili 119:65

Tou hals lačes ap mande, tiro boudepaskro, yaake har tou kova penal.

4. Mose 11:23

O baro Devel penas ap o Moseste: “Hi miro vast gar zorelo doha, te krap, hoy penom? Tou dikess kanna: Vell kova yaake, har me touke penom? Vell kova yaake gar?”

Debleskri gili 119:68

Tou hal lačo oun kamlo. Sike mande, hoy tou mandar kameh!

Debleskri gili 18:26

Tou rikreh ap koleste, kay ap toute rikrell, oun kreh, hoy mishto hi koleske, kay krella, hoy tou lestar kameh.