Micha 2:4 - O Debleskro Lab 2024 (Sinte-Manouche)

⁴ An ko tsiro givenn le i sapaskri gili pral t'mende, oun krenn t'men palla, har t'mer rovenn: “Halauter hi nashedo. Mer ham khetne maredo! Maro them las o Devel mendar, oun das les kolende, kay lan men pandlo.”

O Debleskro Drom 2021 (Sinte)

⁴ An ko tsiro giwenn le i sapaskri gili pral tumende, un krenn tumen palla, har tumer rowenn: “Halauter hi nashedo. Mer ham khetne maredo! Maro them las o Dewel mendar, un das les kolende, kai lan men pandlo.”

Micha 2:4 Referans Kwoze

Habakuk 2:6

O dives vell, kay givenn kolla lauter i sapaskri gili pral koleste, kay rikras len tele, oun rakrenn laba, kolentsa yon pral leste san. Yon penenna: Djungeles djal touke, kay leh touke, hoy gar tiro hi! Har rah kameh yaake doureder te krell, oun bravelo te vell ko koveha, hoy kolla hounte denn tout, kolen siyaan pash toute hi?

Micha 1:15

T'mer, kay djivenn an o gab Maresha, me anau koles pral t'mende, kay ninna t'maro foro dren lell. Oun i bare oun an-dikle morsha an Israel nashenn penge, oun khatrenn pen pash o foro Adullam.

Jeremia 9:10

O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

Jesaja 24:3

I tseli phoub vell nango oun či ačell pral ap late. Ava, vi-randedo oun vin čoredo vell li. Kova rakras o baro Devel.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

5. Mose 28:29

Ap o dives, kay o kham pralstounes tardo hi, rikrenn t'mer t'mare vasta glan t'mende, te rodenn t'maro drom, har korele, kolenge hako tsiro har i rati hi. T'men vell kek barht an t'maro djipen. Vavar menshe djan zoryah ap t'mende pre oun čorenn t'men pale te pale vin. Oun kek vell ap t'mari rig.

4. Mose 23:7

Koy penas o Bileam kal laba: O Balak, ko baro ray pral i Moabarya, moukas man te anell dran o them Aram, dran kol berge, kay o kham pre djala. Oun yob penas ap mande: Am ap miri rig, oun rake i bibarht pral o Yakobeskre menshende vin! Ava, am oun praase i Israeleskre menshen!

Markus 12:12

Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.

Zefanja 1:2

Me moukau halauter, hoy ap i phoub djido hi, te merell:

Micha 2:10

Stenn pre, djan t'menge! An kava them nay ačenn t'mer gar! T'mer kran les pale-čiddo. Kate ačell kek bar ap o vavar.

Amos 5:17

Ninna an i tsele drakengre themma givenn le ropaskre gilya. Kova lauter vell pral t'mende, te vau me, te dap t'men i phagi. Kova penau me, o baro Devel.

Amos 5:1

Shounenn t'mer menshe an Israel, shounenn koy ropaskri gili, hoy givau pral t'mende:

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Joel 1:8

Rob har i terni čay, kay nashras lakro pirno, oun rivell pes an i gono.

Ezekiel 16:44

Yerusalem, tou dikess: Menshe san pral toute kal goseve labentsa: “Yaake har i day, yaake ninna i čay.”

Ezekiel 2:10

Oun yob kras les glan mande pre. Oun laba his ap kol douy rigya činlo: ropangre gilya oun ropaskri gole oun doukedi gole.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Jesaja 14:4

Palle givenn le kay sapaskri gili pral o baro rayeste pral Babilon: Har nay djal kova? Tou, kay menge i pharo djipen kral, val dino. Kekes nay doukreh bouder.

Hiob 27:1

Oun o Hiob rakras pale oun penas kal laba:

2. Familjakro liil 35:25

Oun o Yeremia givas i ropaskri gili pral o Yosia. Oun i tsele gipangre, morsha har djouvya, givan ropangre gilya pral o Yosia bis ap kava dives. Yaake vell kova gomme kava dives kerdo an Israel. Kal tsele gilya hi tele činlo an o liil, hoy kharell: Ropangre gilya.

2. Samuel 1:17

O David givas i ropaskri gili pral o Sauleste oun pral leskro čaveste Yonatan.

4. Mose 24:15

Oun yob penas kal laba: Kova penell o Bileam, koleskro dad o Beor hi. Kova penell ko morsh, kay van leske i yaka pre kerdo.

4. Mose 24:3

Oun yob penas kal laba: Kova penell o Bileam, koleskro dad o Beor hi. Kova penell ko morsh, kay van leske i yaka pre kerdo.

4. Mose 23:18

Koy penas o Bileam kal laba ap leste: Tou, o Balak, koleskro dad o Sippor hi, ste pre, oun shoun! Mouk kova an tiro shero dren te djal, hoy me penau!

Jeremia 6:12

Lengre khera lenn kol vavar, ninna lengre themma oun lengre djouvyen. Me hadau miro vast, te marap kolen, kay djivenn an kava them, penell o baro Devel.

Jeremia 8:10

Lengre djouvyen dau vavar morshende. Oun lengre kotya them dau kolende, kay tradan len krik. Halauter, tikne oun bare, rhorhenna, te venn le bravelo. Ninna i Debleskre rakepangre oun rashaya rhorhenn i menshen,

Micha 1:8

Pral kova halauter hounte dap i bari gole oun hounte rovap, me nashau pirkenes oun nanges, te sikrap har miro dji rovella. Har i divyo djouklo dau gole, oun rovau har ko čirklo, hoy kharell straussa.

Jeremia 9:16

O baro Devel, ko ray pral o bolepen oun i phoub, penell: Denn garda ap kova, hoy vella! Denn kol djouvyen gole, kay i baro ropen krenna! Bičrenn pal kolende, kay hayvenn ropaskre gilya te givenn!