Mateo 7:28 - O Debleskro Lab 2024 (Sinte-Manouche)

²⁸ Oun har o Yezous kova lauter penas, kran kol boud menshe, kay troul leste his, bare yaka.

O Debleskro Drom 2021 (Sinte)

²⁸ Un har o Jesus kowa lauter penas, kran kol bud menshe, kai trul leste his, bare jaka.

Mateo 7:28 Referans Kwoze

Louka 4:32

Oun yob rakras yaake bari zoryah, te kran le bare yaka pral kova, hoy yob lenge penas.

Markus 1:22

Oun yon kran bare yaka pral kova, hoy yob lenge penas. Yob rakras bari zoryah oun gar yaake har i biboldengre čačepangre rakrenna.

Johanni 7:46

“Har kava morsh rakras, shounam mer maro tselo djipen gar!” penan i kliste ap lende.

Markus 6:2

Ap o Debleskro dives djas lo an i biboldengri kangri oun sikras i menshende o Debleskro drom. Oun boud menshe, kay shounan les, kran bare yaka pral kova, hoy yob penas. Yon penan: “Koon penas leske kova lauter? Koon das les savo gosvepen? Kay vell leskri bari zoor, te nay krell lo savo baro koova?”

Louka 4:22

Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Johanni 7:15

Koy kran i pralstoune bibolde bare yaka, oun penan: “Har nay djinell yob yaake boud? Kek anas leske kova pashel.”

Mateo 22:33

Kolla boud menshe, kay troul o Yezouseste tardo his, kolenge ačas o rakepen krik, har yon kova lestar shounan.

Louka 19:48

Yon djinan gar, har nay tapran le les. Boud menshe his troul leste, oun kaman hako lab te shounell, hoy yob penas.

Markus 11:18

Oun kova shounan i bare rashaya oun i biboldengre čačepangre. Oun yon dikan, har kran i tsele menshe bare yaka pral leskro rakepen. Doleske daran le lestar oun rodan, har te nay marenn le les.

Mateo 26:1

Oun har o Yezous kova lauter ap i tsele menshende penas, kay kote his, penas lo peskre malenge:

Mateo 11:1

Oun har o Yezous peskre deesh-te-douy malenge penas, hoy hounte krenn le, djas lo doureder an i vavar biboldengre forya, te sikrell lo kote i menshende o Debleskro drom.

Debleskri gili 45:2

Miro dji hi pherdo shoukar laba i gilyake, hoy kamau te givap miro baro rayeske. Miri čip hi har i činepaskro yekestar, kay hayvell mishto laba te činell.

Mateo 19:1

Oun har o Yezous kova lauter peskre malenge penas, djas lo lentsa dran o them Galilea vin, oun vas an o them Youdea vergel o pani Yordan.

Mateo 7:27

Har das zorelo brishin, oun boud pani vas, oun i zorelo dourho phourdas ap ko kheer, koy peras ko tselo kheer khetne.”

Mateo 7:29

Yob rakras bari zoryah, oun gar yaake har lengre čačepangre rakran.

Louka 2:47

Lauter, hoy shounan, hoy yob lenge penas, kran bare yaka, yaake gosevo his kava čavo.

Louka 7:1

Oun pal ko rakepen djas lo an o foro Kapernaum.