Mateo 7:21 - O Debleskro Lab 2024 (Sinte-Manouche)

²¹ Kolen, kay penenn ap mande Ray, ray lell o Devel gar lauter pash peste an o bolepen. Na-a! Kolla kokres, kay krenna, hoy miro dad an o bolepen kamella, kolen lell lo an o bolepen.

O Debleskro Drom 2021 (Sinte)

²¹ Kolen, kai penenn ap mande Rai, rai lell o Dewel gar lauter pash peste an o bolepen. Na-a! Kolla kokres, kai krenna, hoi miro dad an o bolepen kamella, kolen lell lo an o bolepen.

Mateo 7:21 Referans Kwoze

Remarja 2:13

Glan o Debleste hi kolla čačo, kay krenna, hoy yob kamella, oun gar kolla, kay shounenn kol laba oun krenn gar, hoy kol laba penenna.

Louka 6:46

Hoske penenn t'mer: Ray, ray! ap mande oun krenn gar, hoy me t'menge penaua?

Jakobo 1:22

Hi gar doha, te shounenn leskro lab. T'mer hounte krenn, hoy ko lab penella. T'mer te krenn kova gar, palle rhorhenn t'men kokres.

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

Hebrearja 4:6

Yaake dikah: Hi save menshe, kolla van gar dren an leskro them, oun vavar, kay nay venn koy dren. Kolla, kay shounan o Debleskro lab an o phouro tsiro, patsan les gar, oun van gar dren.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

Debleskro tsiro 3:5

Kova, kay zoreles an o patsepen ačas, oun gar pre das, kova lella parne ripya. Oun leskro lab lau me gar vin dran o liil, kay i djide dren činlo hi. Ninna penau glan miro dadeste oun glan leskre bolepangre, kay yob hi miro.

1. Petro 4:2

Yaake rah, har kava mensho ap kay phoub hi, krell lo kova, hoy o Devel kamella, oun djivell bouder gar pal peskro shero.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

Mateo 12:50

Kova, kay krella, hoy miro dad an o bolepen kamella, kova hi miro phraal, oun miri pheen, oun miri day.”

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Mateo 18:3

oun penas: Čačepah, me penau t'menge: T'mer te moukenn gar t'maro drom, oun venn gar har i čave, palle nashte venn gar ap o Debleskro drom.

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Markus 3:35

Kova, kay krell, hoy o Devel kamella, kova hi miro phraal, miri pheen, oun miri day.”

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

Efesarja 6:6

Ma krenn koy boudi yaake, te sharenn t'men i menshe! Na-a, krenn koy boudi o Yezous Kristeske, te sharell yob t'men! Yaake han leskre boudepangre, kay o djiyestar krenna, hoy o Devel kamella.

1. Petro 2:15

O Devel kamell, te krenn t'mer o lačepen. Yaake pandenn t'mer kol dinele menshenge o mouy, kay hayvan gar o čačepen oun rakrenn djoungeles pral t'mende.

Mateo 25:21

Penas o ray ap leste: Kova kral tou mishto. Tou hal i lačo boudepaskro. Me dom tout i tikni boudi, oun tou kral kay boudi mishto. Doleske dau me kanna boud koova an tire vasta. Ab an miro kheer dren, te vess tou mantsa barhteles!

1. Tessalonikarja 4:3

O Devel kamell, te djivenn t'mer i djoudjo djipen, te sovell kek rom i djouvyah khetne, kay hi gar peskri romni, oun kek djouvel i morsheha, kay hi gar peskro rom.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Louka 18:25

Hi gar yaake pharo, te djal i baro firho an i soubyakro kand dren, har te vell i bravelo ap o Debleskro drom.”

Markus 9:47

Oun te kamell tiro yak čomone te dikell, hoy anell tout ap i čilačo drom, palle čin les vin! Hi touke feteder, te nashress yek yak oun djah pash o Debleste an o bolepen, har te vess douy yakentsa an o bengeskri yag vitsedo,

Mateo 19:24

Me penau t'menge ninna: Hi gar yaake pharo, te djal i baro firho an i soubyakro kand dren har te vell i bravelo ap o Debleskro drom.”

Mateo 18:35

Oun o Yezous penas doureder: Te bistrenn t'mer gar o tselo djiyestar o čilačo koova, hoy i vavar phraal ap t'mende kras, yaake krell miro dad an o bolepen emligo t'mentsa.

Johanni 15:23

Koon man gar kamella, kova kamell vitar gar miro dades.

Mateo 26:42

Oun palle djas lo i douyto kopo kote, te mangell lo o Debles. Oun yob penas pale: “Mo dad, tou te kameh gar kol douka oun merepen mandar te lell, palle mouk kova te vell, hoy tou kameh!”

Mateo 16:17

Penas o Yezous ap leste: “Barhtelo hal tou, Simon Bar-Yona. Kol laba, hoy tou pral mande penal, kolla van gar toutar, vitar gar vavar menshendar. Miro dad an o bolepen sikras tout kova.

Debleskro tsiro 2:27

Yob anell len i sasterno vasteha oun dell lauteren paash, kay gar ap leste shounenna, yaake har čare paash dino venna.

Johanni 14:7

Te prindjrans man, prindjrans ninna miro dades. Oun kanna prindjrenn les t'mer oun dikan les.”

Johanni 5:17

O Yezous penas lenge: “Miro dad boudrell o tselo tsiro. Yaake krau me kova ninna.”

Mateo 26:39

Oun yob djas i kotar drom doureder, vitsras pes ap i phoub, oun mangas o Debles: “Mo dad, te kameh tou, mouk kek douka oun merepen ap mande te vell! Mangau tout: Ma kre, har me kamau! Kre yaake, har tou kameh!”

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Mateo 18:19

Me penau t'menge ninna: Te mangenn douy t'mendar khetne čomone o Deblestar, palle dell len miro dad an o bolepen kova, hoy yon lestar mangan.

Mateo 25:10

Har yon kote djan, te ginenn le penge djet, koy vas o biyabeskro. Oun kolen, kay len djet his, djan leha an o kheer, kay i biyab hi. Oun o voudar vas pal lende pandlo.