Mateo 6:1 - O Debleskro Lab 2024 (Sinte-Manouche)

¹ Denn yak, har krenn t'mer lačo koova! Ma krenn les yaake, te dikenn i menshe kova oun sharenn t'men! Koon t'mendar kova krella, koles dell t'maro dad an o bolepen kek lačepen pale.

O Debleskro Drom 2021 (Sinte)

¹ Denn jak, har krenn tumer latcho koowa! Ma krenn les jaake, te dikenn i menshe kowa un sharenn tumen! Koon tumendar kowa krella, koles dell tumaro dad an o bolepen kek latchepen pale.

Mateo 6:1 Referans Kwoze

Mateo 23:5

Lauter, hoy kolla krenna, krenn le, te dikenn kova i vavar. Te pandenn le i diklo troul o shero oun troul i moussi, kay o Debleskre laba dren činlo hi, yaake hi lengro diklo bourhleder har ko diklo i vavar morshendar. Oun len hi lengste koola ap pende, te sikrenn le i menshende, te hi le o Debleskre morsha.

Johanni 12:43

Lenge his boudeder moldo, te venn yon sharedo i menshendar har o Deblestar.

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

Louka 16:15

Koy penas o Yezous ap lende: “Glan i menshengre yaka kamenn t'mer lačo te vell. O Devel prindjrell t'maro dji. Hoy pash i menshende boud molella, hi či moldo an o Debleskre yaka.

Galatarja 6:12

Kol morsha, kay kamenn zoryah, te moukenn t'men ap o mass te činell, kolla kamenn kol vavarende te sikrell, har lačo yon hi. Kova krenn le, te venn le gar palla lino. Te penans yon, kay o Yezous Kristeskro merepen ap o troushel kokres kova hi, hoy čivell men an o čačepen glan o Debleste, vans yon palla lino.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

2. Johanni 1:8

Denn yak, te nashrenn gar kova, hoy mer t'men sikram, te vell t'men ninna ko tselo bravlepen, hoy o Devel kamell t'men te dell.

Markus 8:15

Oun o Yezous penas zoreles ap lende: “Denn yak! O shoutlo yarro hi gar mishto, hoy vell i Farisarendar oun o Herodestar!”

Mateo 6:16

Te rhan t'mer i tikno tsiro či, te mangenn o Debles an, palle krenn kova gar yaake, te dikenn i menshe kova! Ma krenn har kolla, kay hi len douy djia! Yon sikrenn ap pengro mouy, te bokenn le pengro Debleske. Čačepah, me penau t'menge: Kolla lenna či o Deblestar. Yon anan pengro lačepen kokres dren.

Mateo 16:6

Oun o Yezous penas ap lende: “Denn yak! O shoutlo yarro hi gar mishto, hoy vell i Farisarendar oun i Sadducarendar!”

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Mateo 5:48

T'mer hounte venn yaake lačes ap i menshende, har t'maro dad an o bolepen hi lačes ap i menshende.

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Louka 11:35

Doleske penau touke: De garda, te rhačell tiri momeli oun djal gar vin!

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

Louka 12:1

Ap ko tsiro van boud zerya menshe khetne, yaake te stakras yek o vavareske ap i pire. Koy penas o Yezous ap peskre malende, gar ap kol vavarende: Denn garda, te rakrenn gar douy čipyentsa har i Farisarya! Kova hi har shoutlo yarro, hoy krell o tselo yarro shoutlo.

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Mateo 5:46

T'mer te venn lačes kolenge, kay kran lačo koova ap t'mende, patsenn t'mer, kay o Devel sharell t'men? Na-a! Ninna i rhorhene hi lačes kolenge, kay ap lende lačes hi.

Zakarie 7:5

“Pen i tsele menshenge an o them oun kol rashayenge: Har rhan t'mer či oun dan gole ropah an o pančto čon oun an o eftato čon an kal efta-deesh bersha, kran t'mer kova mange? Na-a!

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 6:9

T'mer te rakrenn o Debleha, penenn: Maro dad an o bolepen. Tiro lab vell sharedo!

5. Mose 24:13

Te djal o kham tele, dess tou les kova pale, te nay čivell lo pes tele an peskri plaashka, oun yob rakrell barht pral toute vin. Oun yaake hal tou an o čačepen tardo glan tiro baro Debleste.

Hebrearja 2:1

Glan i rah tsiro penan i bolepangre mare phourenge, har hounte djan yon ap o Debleskro drom. Koon gar ap o Debleste shounas, oun gar ap leskro drom djas, kova las peskri phagi. Yaake zorelo hi o Debleskro lab. Doleske hounte das mer baro yak ap ko lab, hoy mer shounam, te djivas pal kova, oun te peras gar ko čačo dromestar tele.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

2. Rajengro liil 10:31

O Yehou rikras pes gar peskro tselo djiyestar ap i laba o baro Deblestar, kay o Israeleskro Devel hi. Yob moukas gar kol rhorhene deblen, hoy o Yerobeam kras, oun kolentsa yob i Israelitaryen o Debleskro dromestar tele anas.

2. Rajengro liil 10:16

oun penas: “Am mantsa oun dik har miri tseli zoryah o baro Debleske koy hom!” Oun yob moukas les peha oulerell ap peskro vourdin.

Zakarie 13:4

An ko tsiro ladjenn pen kol rhorhene rakepangre koleske, hoy dikan le an i souni. Oun yon rivenn bouder gar i plaashka dran bouzyengre balla ap pende, te denn le i menshen pal i kanda.

Bičepangre 3:12

Har o Petro kolen dikas, penas lo ap lende: “Morshale dran Israel, hoske krenn t'mer save bare yaka, oun dikenn ap mende? Kova kras gar mari zoor, vitar gar maro patsepen, te nay nashell kava morsh.