Mateo 5:7 - O Debleskro Lab 2024 (Sinte-Manouche)

⁷ Barhtele hi kolla, kay hi len i baro dji i vavar menshenge. O Debles hi i baro dji lenge.

O Debleskro Drom 2021 (Sinte)

⁷ Bachtele hi kolla, kai hi len i baro dji i wawar menshenge. O Debles hi i baro dji lenge.

Mateo 5:7 Referans Kwoze

Efesarja 4:32

Avenn kamlo yek ap o vavareste, oun lenn i dji o vavareske! Bistrenn o čilačepen, hoy o vavar ap t'mende kras! Ninna o Devel bistras t'maro čilačepen, har o Yezous Kristo t'menge meras.

2. Samuel 22:26

Tou rikreh ap koleste, kay ap toute rikrell, oun kreh, hoy mishto hi koleske, kay krella, hoy tou lestar kameh.

Debleskri gili 18:25

Miro čačepen his glan leskre yaka. Oun kek doosh his ap mande. Doleske kras o baro Devel mange lačepen.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Hebrearja 4:16

Dran kova vas mer glan maro lačo Debleste. Koles hi i baro dji menge, te dell lo men peskri zoor ap ko tsiro, kay hounte las mer leskri zoor.

Gosewe laba 11:17

Kova, kay lačo ap o vavareste hi, krell peske kokres mishto. Kova, kay o vavares doukrell, doukrell pes kokres.

1. Petro 2:10

Glan i rah tsiro hans t'mer gar leskre menshe. Kanna han t'mer o Debleskre menshe. Glan i rah tsiro djinan t'mer gar, kay hi les i baro dji t'menge. Kanna kras lo peskro dji t'menge pre.

Markus 11:25

Oun te han t'mer tardo oun mangenn čomone o Deblestar, bistrenn ko čilačo koova, hoy i vavar ap t'mende kras, te bistrell t'maro dad an o bolepen ninna ko čilačo koova, hoy t'mer kran.

Gosewe laba 14:21

Kova kay ap o vavareste tele dikell, anell doosh ap peste. Barhtelo vell kova, koles i dji i čorvelenge hi.

Hosea 2:1

Oun i Israelitarya venn yaake boud har i santa pash o baro pani hi. Kek nay penella, har boud kote čiddo hi. His i tsiro, kay penas o Devel ap lende: “T'mer han gar mire menshe.” Palle vell i tsiro, kay ap lende penlo vell: “T'mer čave o djido Deblestar!”

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

Debleskri gili 112:4

Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen.

Debleskri gili 37:26

O tselo tsiro krell yob peskro dji pre oun patsella, oun ap leskre čavende vell o Debleskri barht diklo.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

1. Korintarja 7:25

Pral kol ternende, kay gar romedino hi, hi man kek lab, hoy maro ray Yezous mange penas. Me penau, har me kova dikau. Oun maro ray Yezous his yaake kamlo ap mande oun kras dran mande i morsh, ap koleste i menshe shounenna. Doleske nay patsenn man.

1. Timoteo 1:16

Me krom bareder čilačepen har hako vavar. Oun ninna man las o Devel dran miro čilačo djipen vin, te nay sikrell o Yezous Kristo ap mande, har boud yob i menshen kamella, yaake, te patsenn i menshe ap leste, oun lenna ko djipen, hoy gar pre-herella.

Hosea 2:23

An ko tsiro, penell o baro Devel, kamau te shounell: Me shounau, hoy o bolepen mandar mangell, oun o bolepen shounell, hoy i phoub lestar mangell.

Hosea 1:6

Oun i Gomer vas o douyto kopo vavarčandes, oun anas i čay ap i phoub. Kote penas o Devel ap leste: De lat ko lab Lo-Ruhama! Man hi bouder kek dji i menshenge dran o kheer Israel, oun bistrau lengri doosh bouder gar.

Jesaja 57:1

O baro Devel penell: Kova, kay an o čačepen tardo his, meras. Oun kek lell kova an peskro dji. Oun kolla, kay rikran ap mande, nashran pengro djipen. Oun halauter krenna, har te vals kova gar lengro koova. Čačepah, ko čačo mensho vas vin lino dran o tselo čilačepen oun bibarht.

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

Remarja 11:30

Glan i tsiro shounan t'mer gar ap o Debleste. Oun palle vas o Debleskro kamlepen ap t'mende. Kova vas an kava tsiro, kay i bibolde gar ap leste shounan.

2. Samuel 17:28

Kolla anan čibya, pirya, čare, gib oun djob, yarro, peklo djob, bohne, linse,

Gosewe laba 11:25

Kones i baro dji i vavarenge hi, koleske vell yaake boud dino, te vell lo boudeder har čalo. Oun kova, kay i trousheles pani dell, koles vell ninna pani dino.