Mateo 5:48 - O Debleskro Lab 2024 (Sinte-Manouche)

⁴⁸ T'mer hounte venn yaake lačes ap i menshende, har t'maro dad an o bolepen hi lačes ap i menshende.

O Debleskro Drom 2021 (Sinte)

⁴⁸ Tumer hunte wenn jaake latches ap i menshende, har tumaro dad an o bolepen hi latches ap i menshende.

Mateo 5:48 Referans Kwoze

Jakobo 1:4

Rikrenn vin, oun djan doureder an o patsepen! Ma ačenn tardo! Yaake venn t'mer save menshe, har kamell o Devel dran t'mende te krell. Oun t'mer krenna lauter, hoy mishto oun lačo hi. Oun kek doosh hi ap t'mende.

3. Mose 19:2

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

Louka 6:36

T'men hounte vell hakeneske i baro dji, yaake har o Debles hakeneske i baro dji hi.

5. Mose 18:13

Pash t'mende hounte vell savo koova gar hatslo. T'mer han o baro Debleskre menshe.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

1. Johanni 3:3

Oun hakeno, kay kova patsella, rikrell peskro dji djoudjo, te vell kek doosh ap leste, yaake har ap o Yezous Kristeste kek doosh hi.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Louka 6:40

Yek, kay djal an o sikepaskro kheer, djinell gar boudeder har o sikepaskro. Yob te djinell boud, palle hi lo yaake gosevo har peskro sikepaskro.

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

3. Mose 11:44

Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake, te vell či tardo mank mande oun t'mende. Ma krenn t'men pale-čiddo ap i tikno firho, hoy djal pral i phoub.

3. Mose 20:26

Me hom o baro Devel. Kek vavar hi har me. An mande hi kek čilačepen. Oun t'men rodom vin dran i vavar themma, te venn t'mer miro. Doleske hounte venn kokres mange oun djivenn har i Debleskre menshe djivenn.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

2. Korintarja 13:9

Ninna te ham mer gar zorelo, ham barhtelo, te han t'mer zorelo. Mer kamah, te venn t'mer an o čačepen glan o Debleste tardo, oun kova mangah lestar.

Debleskri gili 37:37

Kre yaake har kova, kay shounell ap o Debleste peskro tselo djiyeha! Oun djib yaake har kova, kay vell kek doosh ap leste hatslo. Savo mensheske djal mishto an ko tsiro, hoy vella.

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

Efesarja 3:1

Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi.

2. Samuel 22:31

I tsele dromma, kay o Devel man anella, hi lačo. Leskre laba hi lačo oun čačo. Yob rikrell peskro vast pral hakeneste, kay vell pash leste.

Mateo 5:47

T'mer te han lačes ap t'mare phralende kokres, palle krenn t'mer, hoy lauter krenna. Ninna kolla, kay prindjrenn o Debles gar, krenn kova, hoy t'mer krenna.

5. Mose 27:10

Doleske shounenn ap leste, oun rikrenn t'men ap leskre laba oun ap leskro čačepen, hoy t'menge kava dives penau!”