Mateo 5:43 - O Debleskro Lab 2024 (Sinte-Manouche)

⁴³ T'mer djinenna, kay glan i rah tsiro i phourenge penlo vas: Ab lačes ap tire menshende! Ma ab lačes ap koleste, kay kras čilačo koova ap toute.

O Debleskro Drom 2021 (Sinte)

⁴³ Tumer djinenna, kai glan i rah tsiro i phurenge penlo was: Ab latches ap tire menshende! Ma ab latches ap koleste, kai kras tchilatcho koowa ap tute.

Mateo 5:43 Referans Kwoze

3. Mose 19:18

Ma de o čilačepen pale, hoy i vavar ap toute kras, oun hidje leske či palla. Tou vess yaake lačes ap leste, har hal lačes ap toute kokres. Me hom o baro Devel.

Mateo 19:19

Dik ap tiro dadeste oun ap tiri date, te djal lenge mishto! Oun ap koleste, kay pash toute hi hounte vess yaake lačes, har hal lačes ap toute kokres.”

5. Mose 23:6

T'maro baro Devel kamas gar ap o Bileam te shounell. Yob kamas t'men o djiyestar. Doleske kras lo, te rakras o Bileam i barht pral t'mende vin, oun kek bibarht.

Jakobo 2:8

O Yezous Kristo hi maro baro ray oun penell menge: Tou hounte vess yaake lačes ap o vavareste har hal lačo ap toute kokres! Yaake hi činlo an o Debleskro lab. Te djivenn yaake, palle krenn t'mer, hoy mishto hi.

Debleskri gili 41:10

Ninna miro lačeder maal, kova, kay mantsa khetne rhas, phoukras ap mande.

Mateo 5:21

T'mer djinenna, te vas ap i phourende penlo: Ma mare kekes! Koon yekes marella, kova hounte vell glan o čačepaskro anlo, oun lell peskri phagi.

5. Mose 25:17

Ma bistrenn, hoy i Amalekarya t'men kran, har hans ap o drom vin dran o them Egiptia.

5. Mose 23:3

Kek morsh, koleskri day gar romedini hi, nay vell kote t'mentsa khetne, kay o baro Debleskre menshe khetne venna. Ninna leskre čave nay venn gar kote, yaake rah har deesh familye yek pal i vavar djivenna.

Mateo 5:27

“T'mer djinenna, kay vas glan i rah tsiro ap i phourende penlo: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha!

1. Johanni 4:21

Kava hi, hoy o Yezous menge penas: Koon o Debles kamella, kova hounte kamell ninna peskro phrales o tselo djiyestar.