Mateo 5:37 - O Debleskro Lab 2024 (Sinte-Manouche)

³⁷ Te penenn t'mer: Ava! yaake hounte vell kova ninna: Ava! Oun te penenn t'mer: Na-a! yaake hounte vell kova ninna: Na-a! Hako lab, hoy pral vergel hi, vell o bengestar.

O Debleskro Drom 2021 (Sinte)

³⁷ Te penenn tumer: Awa! jaake hunte well kowa ninna: Awa! Un te penenn tumer: Na-a! jaake hunte well kowa ninna: Na-a! Hako lab, hoi pral wergel hi, well o bengestar.

Mateo 5:37 Referans Kwoze

Jakobo 5:12

Mire phrala, ma denn t'men sovel, gar ap o bolepen, vitar gar ap i phoub oun vitar gar ap vavar koova. Te penenn t'mer: “Ava,” yaake hounte vell kova ninna ava. Oun te penenn t'mer: “Na-a,” yaake hounte vell kova ninna na-a, te lenn kek phagi o Deblestar.

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

2. Tessalonikarja 3:3

Maro ray Yezous moukell t'men gar. Yob dell t'men zoor, oun dell garda ap t'mende, te vell kek čilačo koova ap t'mende.

Mateo 13:19

Ko djob, hoy peras ap o drom, sikrell t'mende yekes, kay shounas ko lab, te dell les o Devel pash peste gole. Oun yob hayvas ko lab gar. Oun o beng vas, oun las ko lab dran leskro dji vin.

Mateo 13:38

Oun ko kotar them, kolla hi i tsele menshe ap i phoub. Oun o lačo djob, kolla hi kol menshe, kay moukenn o Debles pengro ray te vell. Oun ko djoungelo zenlepen, kolla hi i čilače, pral kolende o beng o ray hi.

1. Johanni 5:18

Mer djinah, o Debleskre čave ačenn gar ap i čilačo drom. O Debleskro čavo dell garda ap lende. Oun o beng nay krell len či.

Mateo 6:13

Ma mouk men tiro dromestar tele te djal! Le men dran o bengeskro vast vin!

1. Johanni 2:13

Phoure morshale, t'menge činau kava lab, te bistrenn gar o Yezouses, kay hako tsiro koy hi. Terne morshale, t'menge činau kava lab: T'mer hans zorleder har o beng oun kran gar, hoy yob t'mendar kamas.

1. Johanni 3:12

Mer hounte vas gar har o Kayn. Kova his o bengestar oun maras peskro phrales. Hoske maras lo les? Leskro phraal kras, hoy lačo his. Oun o Kayn kras, hoy čilačo his. Doleske maras o Kayn peskro phrales.

Johanni 17:15

Me mangau toutar gar, te less len tou dran kay phoub vin. Me mangau tout, te rikress tou o benges lendar pale.

Mateo 15:19

Dran o mensheskro dji vell o čilačo koova, hoy an leskro shero trouyel djal. Dran leskro dji vell, te dell lo i vavares moulo. Te rhorhell i morsh peskri romyat, vell kova dran leskro dji. Te rhorhell i djouvel peskro romes, vell kova dran lakro dji. Dran o dji vella o vi-ladjedo koova, o čorepen, o rhorhepen, oun o praasepen.

Mateo 5:36

Ma denn vitar kek sovel ap t'maro shero! T'mer nay krenn kek bal ap t'maro shero kalo oun kek bal parno.

Efesarja 6:16

Patsenn zoreles ap o Yezous Kristeste! Kova hi yaake, har te rikrenn i bourhli sasterni patri glan t'mende. Koya krell koy yag vin, kolah o beng ap t'mende karye della.