Mateo 5:32 - O Debleskro Lab 2024 (Sinte-Manouche)

³² Me penau t'menge: Kones hi i romni, kay rhorhras les gar i vavar morsheha, oun yob moukell lat, kova krell, te lell li i vavares. Oun yaake anell li doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.

O Debleskro Drom 2021 (Sinte)

³² Me penau tumenge: Kones hi i romni, kai chochras les gar i wawar mursheha, un job mukell lat, kowa krell, te lell li i wawares. Un jaake anell li doosh ap peste. Un kowa, kai romedinerell i mukli djuwjat, kowa anell doosh ap peste, te las lo i wawareskri romjat.

Mateo 5:32 Referans Kwoze

Remarja 7:3

Te djal li pash i vavar morsheste yaake rah har hi lakro rom djido, palle rhorhras li peskro romes. Te hi lakro rom moulo, hi li bouder gar pandlo ap leste oun rhorhell les gar, te romedinerell li i vavares.

Louka 16:18

Koon peskri romyat moukella, oun romedinerell i vavar djouvyat, kova rhorhell peskri ersti romyat oun anell doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.”

1. Korintarja 7:4

Koy romyat hi gar pral peste penepaske. Ko čačepen hi o romes. Vitar gar hi ko romes pral peste penepaske. Ko čačepen hi i romyat.

Mateo 5:28

Me penau t'menge: Koon ap i vavareskri romyate dikella, te sovell lo lah, kova rhorhras peskri romyat an peskro dji.

Louka 9:35

Koy shounan le i rakepen dran i folka, hoy penas: “Kava hi mo čavo, yob hi o vi-rodedo! Shounenn ap leste!”

Louka 9:30

Ap yek kopo rakran douy morsha leha. Kolla his o Mose oun o Eliya.

Jeremia 3:9

Oun lakro vi-ladjedo koveha kras yoy o them pale-čiddo. Kasht oun barra mangell li an.

5. Mose 24:2

oun yoy djal dran leskro kheer oun vell i romni i vavar morshestar,