Mateo 4:24 - O Debleskro Lab 2024 (Sinte-Manouche)

²⁴ Oun ninna an o tselo them Syria shounan le lestar. Oun yon anan lauteren pash leste, kay nasselo hi. Mashkral lende his kolla, kay hi len bare douka, oun kolla, kay hi an lende benga, oun kolla, kay hi nasselo an pengro shero, oun kolla, kay hi bango. Oun yob kras len sasto.

O Debleskro Drom 2021 (Sinte)

²⁴ Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

Mateo 4:24 Referans Kwoze

Mateo 17:15

oun penas: “Ray, kre tiro dji miro čaveske pre! Yob hi yaake nasselo, har te vals lo dinelo, oun yob perell ap i phoub. Boud kope peras lo an i yag, oun boud kope peras lo an i pani.

Mateo 8:6

“Ray, miro boudepaskro hi khere čiddo, oun hi bango, yaake te nay djal lo bouder gar. Oun les hi bare douka.”

Louka 5:15

Oun boud oun boudeder menshe shounan o Yezousestar. Oun boud van khetne, te shounenn le les, oun te venn le lestar sasto kerdo.

Louka 2:2

Kova his o ersto kopo, kay činan le i laba i tsele menshendar an i liil dren. Oun kova his ap ko tsiro, kay o Kvirinio o pralstouno his pral o them Syria.

Mateo 17:18

Oun o Yezous das o benges trad, oun penas leske, te djal yob dran koleste vin. Oun o beng djas dran leste vin. Oun ko čavo vas sasto.

Mateo 15:22

Kote djivas i djouvel, kay kek biboldetsa hi. Yoy hi i Kanaanitetsa. Kaya vas pash leste, oun das ap leste gole: “Mo ray, tou Davideskro čavo, kre tiro dji mange pre! I beng hi an miri čate. Oun kova marell lat khetne.”

Mateo 12:22

Palle anan le i morshes pash o Yezouseste. Kova his korelo, oun nashte rakras gar. Oun i beng his an leste. Oun o Yezous kras o morshes sasto, yaake te nay rakras lo, oun dikas lo pale.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 15:23

An ko liil, hoy yon peha lan, his činlo: “Kava liil činan o Yezouseskre bičepangre oun i phoureder mank i patslende. Mer ham t'mare phrala oun činah kava liil ap i patslende, kay kek bibolde hi, oun kay djivenna an kol themma Antiochia, Syria oun Cilicia.

Markus 2:3

Koy anan le yekes ap o čiben, kay nay nashell gar. Star morsha hidjran les.

Markus 1:32

Ap i rati, har o kham tele djas, anan yon pash leste i tsele nasselen oun kolen, kay his benga an lende.

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Bičepangre 15:41

Oun o Paulo oun o Silas djan an i themma Syria oun Cilicia, oun yon dan i tsele patslen zoor an o patsepen.

Louka 4:14

Oun o Yezous djas pale an o them Galilea. Oun o Debleskri zoor his an leste. Oun an i tsele gaba oun forya, kay kote his, shounan le lestar.

Markus 1:28

Oun an i tikno tsiro shounas hakeno lestar an kava tselo them Galilea.

Mateo 14:1

Ap ko tsiro his o Herodes o baro ray pral o them Galilea. Oun yob shounas, hoy pral o Yezouseste rakedo vas.

1. Familjakro liil 14:17

Oun o David his i sharedo morsh an i tsele themma. Oun o baro Devel kras, te vas i traash glan leste ap i tsele themma.

1. Rajengro liil 10:1

Oun koy rayetsa pral o them Saba shounas, har an-diklo o Salomo vas, oun havo kheer yob o baro Debleske kras. Kote vas li pash leste, te poučell li lestar savo koova, hoy kek vavar djinell.

Josua 6:27

Oun o baro Devel his o morsheha Yosua. Oun yob vas an-diklo an o tselo them.

Johanni 10:21

Vavar penan: “Te vals i beng an leste, nay rakrals yob gar yaake. Nay krell i beng yekeske, kay dikell nay gar, i yaka sasto?”

Mateo 9:35

Oun o Yezous djas an i forya oun gaba trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay nasselo hi.

Mateo 9:26

Oun i tsele menshe, kay kote an i forya oun gaba djivan, shounan kova.

Mateo 8:28

Oun yon van ap i vavar panyeskri rig, an o them Gadara. Oun douy morsha nashan dran i moulengre khera vin, oun van pash o Yezouseste. Kolen hi benga an lende. Oun yon hi yaake čilačo, te nay djas kek an lengro drom.

2. Samuel 8:6

Oun yob čivas moskre dren an lengro them. Oun o Davides vas penepaske pral i Syrarya, oun yon hounte dan les roup oun sonakay. Yaake his o baro Devel o Davideske ap i rig, kay lo ninna djas.

1. Familjakro liil 29:2

Miri tseli zoryah lom boud koova khetne o khereske miro Deblestar: o sonakay, roup, lolo saster oun vavar saster, oun kasht, te venn kol tsele koola kerdo, hoy an o kheer venna, ninna boud kouč barra, hoy lolo, zenelo, blaueto oun djelto hi oun boud parno marmor.

Mateo 8:33

Oun kote his morsha, kay ap i balende yak denna. Kolla nashan an o foro, oun penan kote halauter, hoy yon dikan, ninna, kay van kol douy morsha sasto, kay benga an lende his.

Markus 2:4

Kolla anan les nashte gar pash o Yezouseste, yaake boud menshe his troul leste. Koy djan yon ap o kheer pral pre, lan barra vin, oun moukan ko čiben o nassleha glan o Yezouseste tele.

Markus 2:9

Hi kova phareder, te penap ap leste: Me lau tiri doosh toutar, har te penap: Ste pre, le tiro čiben oun dja khere?

Louka 4:38

Oun har yob dran i biboldengri kangri vas, djas lo an o Simoneskro kheer. Oun i day o Simoneskri romyatar his ap o čiben čiddo, oun lakro shero his tato. Oun yon mangan lestar, te krell lo lat sasto.

Louka 5:24

Kanna sikrau t'men, te hi o Menshengro Čaves koy zoor ap i phoub, te nay lell lo i doosh i menshendar krik.” Palle penas o Yezous ap ko morsheste, kay nay nashell gar: “Ste pre, le tiro čiben oun dja khere!”

Bičepangre 8:7

Boud menshendar tradas lo bengen vin. Kolla dan zoreles gole, har yon lendar vin djan. Oun boud menshe, kay his bango oun nay djan gar, van sasto.

Louka 7:17

Oun an o tselo them Youdea shounan le, hoy o Yezous kras. Oun an i vavar themma, kote shounan le kova ninna.

Bičepangre 28:9

Koy van ninna kol vavar nassele dran ko them pash o Pauleste, oun moukan pen sasto te krell.