Mateo 3:2 - O Debleskro Lab 2024 (Sinte-Manouche)

² Oun yob penas i menshenge: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

O Debleskro Drom 2021 (Sinte)

² Un job penas i menshenge: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

Mateo 3:2 Referans Kwoze

Mateo 4:17

Ap ko tsiro penas o Yezous ap i menshende: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Markus 1:15

Oun yob penas: “O tsiro vas, kay lell o Devel i menshen dran o čilačepen vin. Moukenn t'maro phouro djipen! Oun djan ap o Debleskro drom! Oun patsenn ap kava lačo lab!”

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

Mateo 6:10

Te vell ko tsiro sik, kay tou o ray hal pral i tseli phoub! Te krenn i menshe ap i phoub kova, hoy tou kameh, yaake har ninna kolla an o bolepen krenn, hoy tou kameh!

2. Korintarja 7:10

Te hi yekes ropaske pral peskri doosh, oun o Devel dikell lačes ap leste, anell les kova ap o Debleskro drom, oun o Devel dell les o djipen. Oun kova khaytell kekes. Te hi yekes ropaske pral i phoubyakro koova anell les kova an o merepen.

Mateo 10:7

T'mer te venn pash lende, palle penenn lenge: O tsiro vell sik, kay lell o Devel i menshen dran o čilačepen vin.

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Louka 15:10

Me penau t'menge ninna: O Debleskre bolepangre hi barhtelo pral yekeste, kay moukell peskro čilačo drom oun djal ap o Debleskro drom.

Louka 13:3

Na-a, penau me t'menge. T'mer te moukenn gar t'maro čilačo drom, oun djan ap o Debleskro drom, palle venna t'mer lauter ninna yaake maredo.

Louka 11:20

Na-a, me tradau i bengen dran o Debleskri zoor vin. Ap kova dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

2. Petro 3:9

Hi menshe, kay penenna: “O ray Yezous lell pes boud tsiro, te vell lo pale.” Kova hi gar čačo. Les hi i baro dji t'menge, oun kamell, te djal kek t'mendar nashedo. Yob kamella, te moukell hakeno peskro čilačo drom oun vell ap o Debleskro drom.

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Bičepangre 11:18

Har yon kova shounan, čingran le bouder gar ap o Petreste. Yon sharan o Debles oun penan: “O Devel sikras ninna kolende peskro drom an o nevo djipen, kay hi kek bibolde. Yon nay moukenn pengro čilačo drom oun venn ap o Debleskro drom.”

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Louka 6:20

Oun o Yezous dikas ap peskre malende oun penas: Barhtele han t'mer čorvele! T'mer djivenna o Debleha khetne an o bolepen oun lenn leskro bravlepen.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Mateo 13:47

Ap ko dives, kay o Debleskri harmenatsyona vella, vell kova yaake har pash i mačepangre, kay vitsran pengre mačengre gone an o baro pani, oun tapran bare oun tikne mače.

Mateo 13:33

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash i kotar shoutlo yarro, hoy las i djouvel oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.

Mateo 12:41

Ap ko dives, kay o Devel o čačepen pral i tsele menshende vi-rakrella, stenna ninna i menshe dran o foro Ninive pre. Oun yon penenna, te hi kol menshe čilačo, kay kanna djivenna. Glan i rah tsiro penas o Yona i menshenge an o foro Ninive o Debleskro lab. Oun yon moukan pengro čilačo drom, oun djan ap o Debleskro drom. Kova, kay glan t'mende tardo hi, kova hi bareder har o Yona.

2. Timoteo 2:25

ninna te kamenn le gar ap leste te shounell. Yob rakrell lačes lentsa, te anell lo len ap o čačo drom! O Devel nay dell len o dji, te moukenn le pengro čilačo drom, oun te hayvenn le, hoy o čačepen hi.

Kolossarja 1:13

Yob las men vin dran i vasta kolestar, kay hi o ray pral o tamlepen oun o čilačepen, te djivas mer khetne peskro Čaveha, koles yob o djiyestar kamella. Kova hi maro ray,

Bičepangre 20:21

Me penom i biboldenge oun kolenge, kay kek bibolde hi, te moukenn le pengro čilačo drom, oun te djan le ap o Debleskro drom, oun te patsenn le ap maro rayeste, o Yezouseste.

Louka 15:7

Palle penas o Yezous lenge: “Me penau t'menge: Pral ko yek čilačo, kay moukas peskro čilačo drom oun djal ap o Debleskro drom, pral koleste hi bareder barht an o bolepen, har pral kol vavarende, kay patsenna, te nay ačenn le ap pengro drom.”

Louka 13:5

Na-a, penau me t'menge. Te moukenn t'mer gar t'maro čilačo drom, oun djan ap o Debleskro drom, palle venna t'mer lauter ninna yaake maredo.”

Louka 9:2

Oun yob bičras len pash i menshende, te penenn le lenge, te hi o tsiro kanna kay, kay o Devel i menshen pash peste gole della, te djan le ap leskro drom. Oun yob bičras len ninna, te krenn le i nasselen sasto.

Markus 6:12

Oun kol deesh-te-douy djan trouyel, oun penan i menshenge: “Moukenn t'maro čilačo drom, oun djan ap o Debleskro drom!”

Markus 1:4

Kova his o Yohanni, kova, kay taufras i menshen. Yob his an o moulo them, oun penas i menshenge: “Moukenn t'maro čilačo drom! Djan ap o Debleskro drom! Oun moukenn t'men te taufrell! Oun o Devel lell t'mari doosh t'mendar krik!”

Mateo 5:10

Kolla, kay krenn, hoy o Devel kamella, oun doleske lenn len i menshe palla, kolla hi barhtelo! Yon djivenna o Debleha khetne an o bolepen.

Mateo 5:3

Barhtele hi kolla, kay djinenna, kay hi le čorvelo glan o Debleste. Yon djivenna o Debleha khetne an o bolepen oun lenn leskro bravlepen.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Hiob 42:6

Doleske lau pale, hoy rakrom oun hom beshdo an i čik oun an i yagakri čik, te sikrap, kay khaytell man kova, hoy rakrom.

Debleskro tsiro 2:21

Me dom lat tsiro, te nay moukell li peskro čilačo drom. Oun yoy kamell gar peskro djoungelo koova te moukell.

Mateo 13:31

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash o djob dran i senftikro rouk, hoy vitsras i morsh an i phoub ap peskro kotar them.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.

Hebrearja 6:1

Kanna kamah te rakras pral kova, hoy kolenge hi, kay hi phoure an o patsepen, oun bouder gar pral kova, hoy mer kolenge penah, kay hi terno an o patsepen. Mer kamah bouder gar pral kova te rakrell, hoy t'mer shounan, har patslo van! Ap ko tsiro vas t'menge penlo, te moukenn t'maro čilačo drom, hoy an o merepen anella, oun te patsenn ap o Debleste, oun te djan ap leskro drom.

Bičepangre 26:20

Me djom an o foro Damaskus, oun palle an ko foro Yerusalem. Oun i tsiro koy pre djom an ko them Youdea. Oun pal kova djom pash kolende, kay kek bibolde hi, oun penom lauterenge, te moukenn le pengro čilačo drom, oun te djan le ap o Debleskro drom, oun te djivenn le yaake, kay i vavar dikenna, kay yon pengro phouro djipen moukan.

Mateo 22:2

“Te dell o Devel i menshen gole, te venn le pash leste, hi kova yaake har pash i baro rayeste, kay kras peskro čaveske i bari biyab.

Mateo 25:1

Oun o Yezous penas: Ap ko tsiro, kay vella o Mensheskro Čavo pale, djal kova yaake har kol deesh terne čentsa, kay djan ap i biyab. Yon lan pengre momlia an o vast, oun djan ap o drom, kay o biyabeskro hounte vella.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 20:1

Oun o Yezous penas lenge, har kote hi, kay dell o Devel menshen pash peste gole, te djan le ap leskro drom. O Devel hi har i ray, koles his i kotar them, kay drakengre rouka tardo hi. Sik taysarlake djas lo an o foro dren, oun rodas peske i boudepangren, te boudrenn le ap leskro kotar them.

Mateo 18:23

Me kamau te sikrap t'mende har pash kolende hi, kay djan ap o Debleskro drom. O Devel an o bolepen hi har i baro ray. Kova moukell peskre boudepangren glan peste te anell, te lell lo lendar kol love, hoy yon leske khetne anan dran pengri boudi.

Mateo 11:20

Palle čingras lo pral kol forya, kay yob boud baro koova kras an o Debleskri zoor. I menshe kote moukan gar pengro čilačo drom, te djan le ap o Debleskro drom.

1. Rajengro liil 8:47

Oun te lenn tire menshe les penge ap o dji an ko vavar them, kay yon pandle hi, oun yon kamenn pale tiro drom te djal oun mangenn pen tele glan toute oun penenna: “Mer anam doosh ap mende oun kram čilačepen oun moukam tiro drom.”

Louka 21:31

Yaake hi kova ninna koleha, pral kova rakrom. Te dikenn t'mer, har kova lauter vella, palle djinenn, te vell ko tsiro sik, kay o Devel peskre menshen dran o čilačepen vin lella, oun yob o ray pral i tseli phoub hi.

Louka 16:30

Penas o bravelo: Na-a! Te vals yek i moulendar pash lende, palle moukans le pengro čilačo drom.

Mateo 25:14

Kova hi yaake har pash o morsheste, kay kamas an i vavar them te djal. Dran kova das lo peskre boudepangren gole, oun das len peskro tselo bravlepen an i vast.

Mateo 13:24

Oun yob penas lenge pale, har kote djal, kay dell o Devel i menshen pash peste gole, te djan le ap leskro drom. Oun yob penas: I harho vitsras o lačo djob ap peskro kotar them, te vell ko djob baro.

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Louka 1:16

Oun yob anell boud menshen an Israel pash o Debleste.

Hiob 39:12

Nay patseh leske, te anell lo tiro djob khere ap tiri djobeskri platsa?