Mateo 27:52 - O Debleskro Lab 2024 (Sinte-Manouche)

⁵² I moulengre khera phagan pre. Oun boud kolendar, kay ap o Debles patsan oun meran, van djido,

O Debleskro Drom 2021 (Sinte)

⁵² I mulengre khera phagan pre. Un bud kolendar, kai ap o Debles patsan un meran, wan djido,

Mateo 27:52 Referans Kwoze

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

1. Tessalonikarja 4:14

Mer patsah, te meras o Yezous oun stas i moulendar pale pre. Doleske djinah ninna, ap ko dives, kay vell o Yezous pale, anell o Devel ninna kolen khetne leha, kay an o patsepen meran.

1. Korintarja 15:20

Ko čačepen hi: O Yezous Kristo hi o ersto, koles o Devel i moulendar djido kras.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

1. Tessalonikarja 5:10

Kova meras menge, te djivas leha khetne, mer, kay gomme djido ham, oun ninna kolla, kay meran.

1. Korintarja 15:51

Shounenn, me penau t'menge, hoy kek djinella: Mer merah gar lauter. Vell i tsiro, koy lell men o Devel vin dran kova, hoy mer kanna ham, oun krell men vavarčandes.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

1. Korintarja 11:30

Doleske hi boud nassele mashkral t'mende, ninna save, kay hi len kek zoor an lende. Oun boud meran ninna.

Bičepangre 7:60

Oun yob peras ap i phoub tele, oun das pale gole: “Ray, le koy doosh lendar!” Har yob kova penas, meras lo.

2. Rajengro liil 13:21

Oun i dives vas, kay paskran i Israelitarya i morshes, kote dikan le kourepangre dran o them Moab. Sik lan le ko morshes oun vitsran les an o moulengro kheer pash o Elisa, oun nashan penge. Oun har ko moulo morsh ap i kokale o Elisestar peras, vas lo djido oun stas pre.

Johanni 11:11

Har o Yezous lenge kova penas, penas lo: “Maro maal Lazaro sovas dren. Me djau koy, te djangrap les pre.”