Mateo 27:50 - O Debleskro Lab 2024 (Sinte-Manouche)

⁵⁰ O Yezous das pale bari gole, oun meras.

O Debleskro Drom 2021 (Sinte)

⁵⁰ O Jesus das pale bari gole, un meras.

Mateo 27:50 Referans Kwoze

Johanni 19:30

Har piyas o Yezous koy shoutli mool, penas lo: “Me krom lauter, hoy hounte krom.” Oun yob čivas peskro shero glan tele, oun meras.

Louka 23:46

Oun o Yezous das bari gole: “Miro dad, an tire vasta čivau me miro djipen!” Oun palle meras lo.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Markus 15:37

Oun o Yezous das bari gole, oun meras.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Johanni 10:15

yaake har o dad man prindjrella, oun me o dades prindjrau. Oun me dau miro djipen i bakrenge.

Johanni 10:11

Me hom o lačo bakrengro. O lačo bakrengro moukell peskro djipen i bakrenge.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Mateo 27:49

Vavar penan: “Mouk les, dikas, te vell o Eliya, oun lell les tele.”

Johanni 19:29

Koy his i khoro tardo. Kova his pherdo shoutli mool. Oun yon lan čomone har i kotar than, kran les pherdo shoutli mool, čivan kova ap i baro kasht, hoy kharella Hysop, oun rikran leske kova glan o mouy.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.