Mateo 25:12 - O Debleskro Lab 2024 (Sinte-Manouche)

¹² Penas lo ap lende: Čačepah, me prindjrau t'men gar.

O Debleskro Drom 2021 (Sinte)

¹² Penas lo ap lende: Tchatchepah, me prindjrau tumen gar.

Mateo 25:12 Referans Kwoze

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Johanni 9:31

Mer halauter djinah, kay o Devel ap kekeste shounella, kay djal gar ap leskro drom. O Devel shounell ap koleste, kay darell lestar oun djivell yaake, har yob kamella.

Debleskri gili 5:5

Tou hal i Devel, kay čilače dromma gar kamella. Pash toute nay ačell i čilačo gar.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Galatarja 4:9

Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Mateo 25:11

Oun pal i tikno tsiro van ninna kolla vavar terne ča glan o voudar, oun penan: Ray, ray, kre menge o voudar pre!

Mateo 25:13

Doleske penau me t'menge: Rikrenn t'mare yaka pre! T'mer djinenn gar ko dives, kay o ray pale vella!

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.