Mateo 24:8 - O Debleskro Lab 2024 (Sinte-Manouche)

⁸ Kova lauter vella yaake pral i phoub, har i douka venn pral i djouvyate, kay lell i ternepen.

O Debleskro Drom 2021 (Sinte)

⁸ Kowa lauter wella jaake pral i phub, har i duka wenn pral i djuwjate, kai lell i ternepen.

Mateo 24:8 Referans Kwoze

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

5. Mose 28:59

Te shounenn t'mer gar ap leste, dell o baro Devel t'men oun t'mare čaven, oun bičrell t'menge boud doukepen oun pharo nasslepen, ko yek gomme djoungleder har ko vavar. Oun kova ačell i rah tsiro ap t'mende.

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Jesaja 9:12

Oun i menshe dran Israel van gar pale pash koleste, kay len kol dava dell, oun rodan gar o baro Debles, ko rayes pral o bolepen oun i phoub.

Hosea 13:13

Douka venna pral leste, har i djouvyat douka hi, kay anell i ternepen ap i phoub. O Efrayim hi har i ternepen, kay hayvell gar, te vas o tsiro, kay vell lo boldo, oun yob kamell gar vin te vell.

Markus 13:8

I pralstoune pral bare themma kourenn pen i vavar pralstunentsa. Oun i menshe dran yek them marenn i menshen an i vavar them. Oun kate oun kote vell i phoub trisslemen. Boud menshen hi gar doha te rhal. Kova lauter vella yaake pral i phoub, har i douka venna pral i djouvyate, kay lell i ternepen.

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Jakobo 5:1

Kanna penau ap t'mende, kay bravelo han: Rovenn oun denn gole pral koy bibarht, hoy pral t'mende vella!