Mateo 24:45 - O Debleskro Lab 2024 (Sinte-Manouche)

⁴⁵ I lačo boudepaskro della mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell len hako dives kova, hoy len hounte vell djipaske.

O Debleskro Drom 2021 (Sinte)

⁴⁵ I latcho budepaskro della mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell len hako diwes kowa, hoi len hunte well djipaske.

Mateo 24:45 Referans Kwoze

Mateo 25:21

Penas o ray ap leste: Kova kral tou mishto. Tou hal i lačo boudepaskro. Me dom tout i tikni boudi, oun tou kral kay boudi mishto. Doleske dau me kanna boud koova an tire vasta. Ab an miro kheer dren, te vess tou mantsa barhteles!

Mateo 25:23

Penas o ray ap leste: Kova kral tou mishto. Tou hal i lačo boudepaskro. Me dom tout i tikni boudi, oun tou kral lat mishto. Doleske dau me kanna boud koova an tire vasta. Ab an miro kheer dren, te vess tou mantsa barhteles!

Hebrearja 3:5

O Mose boudras mishto o Debleskre menshenge. Kova, hoy yob kras oun penas, sikras lende, hoy o Devel kamas te krell an ko tsiro, hoy vella. Ninna te boudras o Mose mishto, his lo i Debleskro boudepaskro.

2. Timoteo 2:2

Tou hals pashel, har penom boud menshen o Debleskro lab. Kova, hoy shounal mandar, sike kanna vavar patslen, kay krenn, hoy tou lenge peneh, oun kolendar tou djineh, te hayvenn le mishto o Debleskro lab te penell!

1. Timoteo 1:12

Me parkrau man pash maro rayeste, o Yezous Kristeste, kay das man i zoor, te boudrap leske. Yob patsas ap mande, oun čivas man an koy boudi, te vap leske koy.

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Louka 19:17

Penas lo ap koleste: Kova kral tou mishto. Tou hal o lačo boudepaskro. Me čivom i tikno koova an tire vasta, oun tou kral i bari boudi koleha. Doleske kamau, te vess tou o pralstouno pral deesh forya.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Mateo 25:2

Panč lendar his dinelo, oun panč lendar his gosevo.

Mateo 7:24

Hakeno, kay mire laba shounella oun kova krella, hoy me penau, kova hi yaake har i gosevo morsh, kay peskro kheer ap i zorelo baro bar kras.

Ezekiel 34:2

Tou, mensho, pen i pralstunenge pral Israel glan-vi, hoy pral lende vella! Pen lenge: Kava penell o baro Devel, maro ray: Djungeles djal t'menge! T'mer han i bakrengre mire menshenge, oun hounte anans i Israelitaryen har bakre kote, kay hatsenn le lačo zenlepen. Kova krenn t'mer gar. T'mer dikenn kokres ap t'mende, te djal t'menge mishto.

Gosewe laba 14:35

I baro ray dikell lačes ap peskro boudepaskro, kay lauter mishto hayvell. Oun leskri rholi vell ap koleste, kay vi-ladjedo koova krell.

Gosewe laba 28:20

I morshes o labestar hi barht an boud koova. Kova, kay kamell sik braveles te vell, anell ninna doosh ap peste.

Mateo 24:46

Barhtelo hi lo, te vell leskro ray pale, oun dikell, kay yob peskri boudi mishto kras.

2. Mose 36:4

Koy moukan i tsele boudepangre, kay ap o kheer boudrenn, pengri boudi čiddo, djan pash o Mose

Ruth 2:6

Oun ko pralstouno boudepaskro penas: “Koya hi dran o them Moab, oun vas khetne i Naomi foun kotar pale.

Ezekiel 46:24

Oun o morsh penas ap mande: Kalla hi i boba, kate kerenn i boudepangre o Debleskro kherestar o mass kol firhendar, hoy rhan i menshe khetne glan o Debleste.