Mateo 23:9 - O Debleskro Lab 2024 (Sinte-Manouche)

⁹ Ma kharenn yekes ap kay phoub: Dad! Yek dad hi t'men. Kova hi o Devel an o bolepen.

O Debleskro Drom 2021 (Sinte)

⁹ Ma kharenn jekes ap kai phub: Dad! Jek dad hi tumen. Kowa hi o Dewel an o bolepen.

Mateo 23:9 Referans Kwoze

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Mateo 7:11

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

1. Korintarja 4:15

Ninna te vals t'men deesh zerya sikepangre, kay sikrenn t'men, har te djan ap o Yezous Kristeskro drom, hi t'men yek dad kokres an o patsepen. Kova hom me. Me penom t'menge o lačo lab o Yezous Kristestar oun t'mer lan ko lab pre.

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

Bičepangre 22:1

T'mer morsha, phrala oun dada, shounenn, hoy kamau t'menge te penell!

2. Rajengro liil 2:12

O Elisa dikas kova oun das gole: “Miro dad, miro dad, tou baro kourepaskro i Israelenge!” Oun dikas les gar bouder. Koy tapras yob peskre koola oun phagas len an douy kotya,

Mateo 6:32

Kova krenn kol menshe, kay prindjrenn o Debles gar. T'maro dad an o bolepen djinella, hoy t'men hounte vell djipaske.

2. Rajengro liil 13:14

Har o Elisa an i nasslepen čiddo his, ap kova lo ninna hounte meras, vas o Yoash, ko baro ray pral o them Israel, pash leste tele, oun rovas glan leste oun penas: “Miro dad, miro dad! Tou baro kourepaskro i Israelenge!”

2. Rajengro liil 6:21

Oun har ko baro ray pral Israel len dikas, penas yob ap o Elisa: “Tata, krap me len moulo? Kameh, te dap len moulo?”

Mateo 23:10

Ma moukenn t'men te kharell: Baro sikepaskro! Yek baro sikepaskro hi t'men. Kova hi o Kristo.