Mateo 21:28 - O Debleskro Lab 2024 (Sinte-Manouche)

²⁸ “Kanna kamau t'menge čomone te penell: His i dad. Koles his douy čave. Oun yob djas pash ko phoureder čaveste, oun penas ap leste: Mo čavo, dja ap ko kotar them, kay hi i drakengre rouka tardo, oun boude kote!

O Debleskro Drom 2021 (Sinte)

²⁸ “Kanna kamau tumenge tchomone te penell: His i dad. Koles his dui tchawe. Un job djas pash ko phureder tchaweste, un penas ap leste: Mo tchawo, dja ap ko kotar them, kai hi i drakengre ruka tardo, un bude kote!

Mateo 21:28 Referans Kwoze

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

1. Korintarja 10:15

Me rakrau t'mentsa har menshentsa, kay goseve hi. Poučenn t'maro dji, te hi kava lauter čačo, hoy me penau!

Mateo 20:1

Oun o Yezous penas lenge, har kote hi, kay dell o Devel menshen pash peste gole, te djan le ap leskro drom. O Devel hi har i ray, koles his i kotar them, kay drakengre rouka tardo hi. Sik taysarlake djas lo an o foro dren, oun rodas peske i boudepangren, te boudrenn le ap leskro kotar them.

Markus 13:34

Kova hi yaake har pash i morsheste, kay djas ap o them. Yob moukas peskro kheer oun das peskre boudepangren lauter an o vast, hakeneste das lo leskri boudi. Oun penas ap koleste, kay pash o voudar beshdo hi: De garda ap miro kheer! Ma sob!

Louka 13:4

Hoy hi kol menshentsa, kay ko baro kheer an o gab Siloah ap lende peras oun yon meran? Hi kol menshe čilačeder har kol vavar an o foro Yerusalem, kay koy djivan?

Mateo 21:33

Oun o Yezous penas lenge laba, kay i khatedo čačepen dren hi: “Shounenn, hoy me t'menge kanna penau. His i ray. Koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas o ray ko kotar them ap i harhende, te boudrenn le kote leske. Oun yob djas peske an i vavar them.

Mateo 17:25

Oun o Petro djas an o kheer dren, te penell lo kova o Yezouseske. Har o Yezous dikas, te vell o Petro pash leste, poučas lo lestar: “Petro, koon hounte dell kol love i bare rayende ap kay phoub? Hounte denn lengre menshe lende kol love? Hounte denn i vi-themarya lende kol love?”

Mateo 22:17

Pen menge kanna: Hi mishto pal maro čačepen, te das mer o themeskre love o baro rayeste an o foro Rom?”

4. Mose 10:30

Koy penas o Hobab: “Me kamau gar t'mentsa te djal. Me kamau an miro them oun pash mire menshende te djal.”

Mateo 21:27

Oun yaake penan le ap o Yezouseste: “Mer djinah les gar.” Koy penas lo ap lende: “Yaake penau t'menge vitar gar, koon man bičras, te krap me kova.”

Mateo 21:29

Penas kova: Na-a, me kamau gar. Pal i tikno tsiro, khaytas les kova, hoy yob penas. Oun yob djas, te boudrell lo kote.