Mateo 20:26 - O Debleskro Lab 2024 (Sinte-Manouche)

²⁶ Mank t'mende hounte vell kova gar yaake! Koon t'mendar kamell, te vell lo baro, kova hounte vell t'menge koy.

O Debleskro Drom 2021 (Sinte)

²⁶ Mank tumende hunte well kowa gar jaake! Koon tumendar kamell, te well lo baro, kowa hunte well tumenge koi.

Mateo 20:26 Referans Kwoze

Markus 10:43

Mank t'mende hounte vell kova gar yaake! Koon t'mendar kamell, te vell lo baro, kova hounte vell t'maro boudepaskro.

Markus 10:45

Ninna o Mensheskro Čavo vas gar ap i phoub, te boudrenn i menshe leske. Na-a, yob vas ap i phoub, te vell lo lenge koy, oun te merell lo lenge. Oun yaake playsrell lo peskro djipah, te lell lo boud menshen dran o čilačepen oun o merepen vin.”

Markus 9:35

Koy beshas lo pes, oun das kol deesh-te-douyen gole, oun penas ap lende: “Yek te kamell o pralstouno te vell, hounte vell kova o tikneder lauterendar. Oun yob hounte boudrell i vavarenge.”

1. Petro 5:3

Ma avenn raya pral i patslende! Sikrenn lende, har t'mer djivenna, te djivenn yon ninna yaake!

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

Mateo 25:44

Oun palle penenn yon ap leste: Ray, kaana his tout bok oun troush? Kaana hals tou kek mendar? Kaana his tout kek ripen? Kaana hals tou nasselo oun stildo, oun mer hams gar touke koy?

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Filemon 1:13

Me kamoms te ačals lo pash mande oun vals mange koy, yaake har tou mange koy vals, te vals tou pash mande kate an o stilepen. Kate hom doleske, kay penom i menshenge o lačo lab o Yezous Kristestar.

2. Timoteo 1:18

Me mangau o Debles, te vell lo leske lačes ap ko dives, kay yob glan leste tardo hi. Tou djineh ninna, har boud yob i patslenge an o foro Efesus boudras.

2. Korintarja 1:24

Mer kamah te kras t'men barhtelo, oun rodah gar koy pal, te vas raya pral t'maro patsepen. Na-a, mer djinah: T'mer han zoreles an o patsepen tardo.

Bičepangre 13:5

Oun har yon an ko foro Salamis van, penan le o Debleskro lab kote an i biboldengre kangria. Oun o Yohanni Marko boudras lentsa.

Johanni 18:36

Koy penas o Yezous: “Miro them oun i menshe, kolengro ray me hom hi gar kay phoubyatar. Te vals miro them kay phoubyatar, oun ninna i menshe, kolengro ray me hom, palle kourans pen mire boudepangre i biboldentsa, te perap me gar an kolengre vasta. Me penau touke: Miro them oun mire menshe, kolengro ray me hom, hi gar kay phoubyatar.”

Mateo 27:55

Boud djouvya his i kotar krik tardo oun dikan kova lauter. Kolla van o Yezouseha dran o them Galilea, te denn le les rhapen oun pipen.

Ezekiel 24:13

Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.

Mateo 20:27

Oun koon t'mendar kamell o pralstouno te vell, kova hounte vell t'maro boudepaskro.

Louka 22:26

Me penau t'menge: Ma krenn kova yaake har kolla! O bareder mashkral t'mende hounte vell yaake har o tikneder t'mendar. Oun kova, kay kamell o pralstouno te vell, hounte vell o telstouno, kay boudrell i vavarenge.