Mateo 20:14 - O Debleskro Lab 2024 (Sinte-Manouche)

¹⁴ Kanna le tire love, oun dja khere! Me kamau, te dap koleste, kay an i rat vas, yaake boud love har tout.

O Debleskro Drom 2021 (Sinte)

¹⁴ Kanna le tire lowe, un dja khere! Me kamau, te dap koleste, kai an i rat was, jaake bud lowe har tut.

Mateo 20:14 Referans Kwoze

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

Louka 15:31

Koy penas o dad ap leste: Miro čavo, tou hal hako tsiro pash mande, oun hoy miro hi, kova hi ninna tiro.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Remarja 3:4

Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

Mateo 6:16

Te rhan t'mer i tikno tsiro či, te mangenn o Debles an, palle krenn kova gar yaake, te dikenn i menshe kova! Ma krenn har kolla, kay hi len douy djia! Yon sikrenn ap pengro mouy, te bokenn le pengro Debleske. Čačepah, me penau t'menge: Kolla lenna či o Deblestar. Yon anan pengro lačepen kokres dren.

Mateo 6:6

Tou te rakreh o Debleha, palle dja an tiri isema, klide o voudar pal toute, oun kote rake o Debleha! Oun o baro Devel, kay hi tiro dad an o bolepen, dikell tout kote. Oun yob dell o lačepen pale, hoy tou kral.

Mateo 6:2

Tou te deh i čorveles love, palle ma pen kova hakeneske! Ma kre har kolla, kay hi len douy djia, oun penenn an i biboldengre kangria oun ap o drom, havo lačepen yon kran, te venn le i menshendar sharedo. Čačepah, me penau t'menge: Kolla lenna bouder či o Deblestar. Yon anan pengro lačepen kokres dren.

2. Rajengro liil 10:16

oun penas: “Am mantsa oun dik har miri tseli zoryah o baro Debleske koy hom!” Oun yob moukas les peha oulerell ap peskro vourdin.

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Mateo 20:13

Koy penas ko ray ap yekeste lendar: Miro maal, me rhorhrom tout gar. Tou kral mantsa vin, te boudress mange, oun te leh yek roupeni bema mandar.

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?