Mateo 2:4 - O Debleskro Lab 2024 (Sinte-Manouche)

⁴ Oun o Herodes moukas i tsele bare rashayen oun i biboldengre čačepangren khetne te vell, oun poučas lendar, kay ko baro ray boldo vella, kolestar o Devel penas, te vell yob.

O Debleskro Drom 2021 (Sinte)

⁴ Un o Herodes mukas i tsele bare rashajen un i biboldengre tchatchepangren khetne te well, un putchas lendar, kai ko baro rai boldo wella, kolestar o Dewel penas, te well job.

Mateo 2:4 Referans Kwoze

Bičepangre 23:9

Halauter dan bari gole, oun kol čačepangre, kay ninna Farisarya his, stan pre oun čingran, oun penan: “Mer hatsah kek čilačepen ap leste. Te rakras i bolepaskro ap leste, hoy krah mer palle? Te rakras i moulo ap leste, hoy krah mer palle?”

Bičepangre 6:12

Yon kran kol tsele menshen divyo, ninna kol biboldengre phoureden oun čačepangren. Oun yon van ap leste pre, tapran les, oun anan les glan i pralstoune biboldende.

Mateo 21:23

Oun har o Yezous an o Debleskro baro kheer vas, ap i menshende rakras, oun len o Debleskro drom sikras, koy van i bare rashaya oun i biboldengre phoureder pash leste, oun poučan lestar: “Koon penas touke, te kress tou kova lauter? Koon bičras tout?”

Mateo 7:29

Yob rakras bari zoryah, oun gar yaake har lengre čačepangre rakran.

Bičepangre 4:5

O vavar dives, taysarlake, van i biboldengre pralstoune oun phoureder oun čačepangre an o foro Yerusalem khetne.

Johanni 18:3

Oun o Youdas djas kote. Leha van kol lourde oun kliste, kolen i bare rashaya oun i Farisarya bičran. Len his rhare oun kashta oun hidjran momlia oun yag.

Johanni 8:3

Koy van i čačepangre oun i Farisarya. Kolla anan i romedini romyat pash leste. Koya vas tapedo koy pashel, har yoy i vavar morsheha khetne his. Yon čivan lat mashkral i menshende, yaake, kay dikell lat nay hakeno.

Johanni 7:32

I Farisarya shounan, hoy kol menshe pral o Yezouseste rakran. Oun i Farisarya oun i bare rashaya bičran klisten, te taprenn le o Yezouses.

Johanni 3:10

O Yezous poučas lestar: “Tou hal i sikepaskro an o them Israel oun djineh kova gar?

Louka 23:10

I bare rashaya oun i biboldengre čačepangre his koy pashel tardo, oun anan boud čilačo koova ap o Yezouseste.

Louka 20:19

Oun i biboldengre čačepangre oun i bare rashaya hayvan, kay rakras o Yezous lendar. Oun yon kaman te taprenn le les sik pal leskro rakepen, te čivenn le les an o stilepen. Yon trashan i menshendar. Doleske tapran le les gar.

Jeremia 8:8

Har nay penenn t'mer: Mer ham gosevo. Men hi o baro Debleskro lab pash mende. Rhorhepen hi kova lauter, hoy kol sikepangre dran kova krenna.

Markus 8:31

Oun o Yezous penas peskre malenge: “O Mensheskro Čavo hounte lell boud douka ap peste. Oun i biboldengre phoureder oun čačepangre oun i bare rashaya čivenn les ap i rig. Oun yob hounte vell maredo. Oun pal triin divessa stell lo pale i moulendar pre.”

Mateo 27:1

Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses.

Mateo 26:47

Oun har yob yaake rakras, vas o Youdas, ko yek kol deesh-te-douyendar. Pash leste his boud vavar morsha. Len his rhare oun kashta an i vasta. Kolen bičran i bare rashaya oun i biboldengre phoureder.

Mateo 26:3

Ap ko tsiro van i bare rashaya oun i biboldengre phoureder khetne an o kheer o baro rashayestar. Koleskro lab his Kayafas.

Mateo 21:15

Oun i bare rashaya oun i biboldengre čačepangre dikan ko baro koova, hoy o Yezous kote kras an o Debleskri zoor. Oun yon shounan, har i čave an o Debleskro baro kheer bari gole dan oun penan: “Sharas o Davideskro čaves!” Oun yon van rhoyedo ap o Yezouseste,

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Nehemia 12:7

o Sallou, o Amok, o Hilkiya, oun o Yedaya. Kalla his i pralstoune pral i rashaya oun lengre phrala an ko tsiro, har o Yeshoua djivas.

Esra 10:5

Kote stas o Esra pre, oun las i sovel i pralstoune rashayendar oun i Levitarendar oun i tsele Israelendar, te krenn le pal kava lab. Oun yon dan pen sovel.

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

2. Familjakro liil 34:15

Oun o Hilkiya penas ap o činepaskro, o Shafan: “Me hatsom i liil an o baro Debleskro kheer, kay menge o Debleskro drom siklo vella.” Oun o Hilkiya das ko liil o Shafaneste.

2. Familjakro liil 34:13

Vavar Levitarya his tardo pral i hidjepangre, oun dan ninna yak ap i vavar boudepangre. Mank i Levitarya his ninna save, kay činan i lila, vavar dan yak ap i boudepangre, oun vavar ap i voudya.

Mateo 2:3

Har o baro ray Herodes kova shounas, trashas lo. Oun ninna boud menshe an o foro Yerusalem trashan leha khetne.

Mateo 2:5

Oun yon penan leske: “An o foro Betlehem an o them Youdea. Yaake činas kova o Debleskro rakepaskro: