Mateo 19:27 - O Debleskro Lab 2024 (Sinte-Manouche)

²⁷ Koy penas o Petro ap leste: “Djineh, mer moukam lauter oun djam touha. Hoy lah mer?”

O Debleskro Drom 2021 (Sinte)

²⁷ Koi penas o Petro ap leste: “Djineh, mer mukam lauter un djam tuha. Hoi lah mer?”

Mateo 19:27 Referans Kwoze

Filiparja 3:8

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

Louka 5:11

Oun yon anan kol bere ap o them, oun moukan lauter čiddo, oun djan leha.

Louka 18:28

Koy penas o Petro: “Mer moukam lauter čiddo oun djam touha.”

Louka 15:29

Oun ko čavo penas ap peskro dadeste: Tou djineh, kay me boud bersha touke boudrom, oun krom lauter, hoy tou mange penal. Mange maral tou kek bakro, te rhap les mire malentsa, oun te vap barhtelo.

Markus 10:28

Koy penas o Petro ap o Yezouseste: “Djineh, mer moukam lauter, oun djam touha.”

Markus 2:14

Oun har yob yaake kote djas, dikas lo i morshes, kova kharas Levi. Leskro dad hi o Alfeo. O Levi his pash ko kheer beshdo, kay las yob love i Remaryenge dren. Penell o Yezous ap leste: “Am, dja mantsa!” Oun yob stas pre, oun djas leha.

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.

Louka 14:33

Doleske penau t'menge: Kek t'mendar nay vell miro maal, te dell yob gar lauter pre, hoy les hi.”

Mateo 9:9

Pal kova djas o Yezous doureder. Oun yob dikas i morshes pash i kheer beshdo. Kova his i biboldo, kay las i biboldendar love i Remaryenge dren. Leskro lab hi Mateo. Oun o Yezous penas ap leste: “Am, dja mantsa!” Oun yob stas pre oun djas leha.

1. Korintarja 4:7

Koon penas touke, te hal tou feteder har ko vavar? Kova, hoy tout hi, hi tout o Deblestar. Te das yob tout lauter, hoske shareh tout?

1. Korintarja 1:29

Yaake sharell pes nay kek mensho glan o Debleste.

Mateo 19:26

Oun o Yezous dikas ap lende, oun penas: “Hoy i menshe nay gar krenna, nay krell o Devel halauter.”

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.