Mateo 18:17 - O Debleskro Lab 2024 (Sinte-Manouche)

¹⁷ Te shounell lo kava kopo vitar gar ap t'mende, palle pen les i patslenge an i kangri. Oun te shounell lo gar ap kolende, palle vell lo t'menge har i morsh, kay prindjrell o Debles gar oun har i pale-čiddo.

O Debleskro Drom 2021 (Sinte)

¹⁷ Te shunell lo kau kopo witar gar ap tumende, palle pen les i patslenge an i kangri. Un te shunell lo gar ap kolende, palle well lo tumenge har i mursh, kai prindjrell o Debles gar un har i pale-tchiddo.

Mateo 18:17 Referans Kwoze

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.

1. Korintarja 5:9

Glan i tsiro činom me t'menge i liil. Oun an ko liil penom t'menge, te venn t'mer gar mala kol menshendar, kay krenn vi-ladjedo koova.

Ezekiel 11:12

Oun t'mer dikenn oun hayvenn, te hom me o baro Devel. T'mer kran gar kova, hoy t'mendar kamom. Oun rikran gar ap mire čačepaskre laba. Na-a, t'mer djivan pal i čačepangre laba kol menshendar, kay an i themma troul t'mende djivenna.

Esra 6:21

Oun i Israelitarya, kay van dran o pandepen pale, rhan o Passa, oun lentsa khetne ninna i tsele vavar menshe an kava them, kay moukan pengre menshen, kay vavar deblen an-mangenn. Oun yon rikran pen kanna pash i Israelitaryen, te mangenn le kolengro Debles an. Kova hi o baro Devel.

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.

Louka 15:1

His i dives, kay van boud bibolde pash o Yezouseste, kay lenn i biboldendar love i Remaryenge dren, oun boud vavar, kay čilačo koova kran oun doleske pale-čidde hi. Yon lauter kaman te shounenn le les.

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

Louka 18:11

Ko Farisari čivas pes tardo oun penas: Mo Devel, me parkrau man pash toute, te hom gar yaake har kal vavar menshe: čorepangre, rhorhene, oun har kolla, kay rhorhenn pengri romyat i vavar djouvyah, oun gar yaake har kova, kay koy vergel tardo hi: Ko pale-čiddo.

Mateo 5:46

T'mer te venn lačes kolenge, kay kran lačo koova ap t'mende, patsenn t'mer, kay o Devel sharell t'men? Na-a! Ninna i rhorhene hi lačes kolenge, kay ap lende lačes hi.

Mateo 6:7

T'mer te rakrenn o Debleha, palle penenn leske gar boud laba, yaake har kolla krenna, kay prindjrenn o čačo Debles gar. Yon patsenna, te rakrenn le boud, palle shounell len lengro devel.

Mateo 10:3

o Filipo, oun o Bartolomeo, o Thomas oun o Mateo, kay i biboldendar love i Remaryenge dren las, oun o Yakobo, – koleskro dad his o Alfeo, oun o Tadeo,

1. Korintarja 6:1

Te hi yekes t'mendar i čingepen i vavar patsleha oun kamell peskro čačepen, har nay anell lo kova glan i čačepangre, kay gar patslo hi? Hoske djal lo gar pash i patslende?

Josua 22:15

Oun har van le an o them Gilead, penan le ap lende: