Mateo 18:16 - O Debleskro Lab 2024 (Sinte-Manouche)

¹⁶ Yob te shounell gar ap toute, palle le douy vavar phralen touha, oun dja pash leste, te shounenn le, hoy tou leske peneh. Yaake djinenn douy, triin, hoy yob kras.

O Debleskro Drom 2021 (Sinte)

¹⁶ Job te shunell gar ap tute, palle le dui wawar phralen tuha, un dja pash leste, te shunenn le, hoi tu leske peneh. Jaake djinenn dui, triin, hoi job kras.

Mateo 18:16 Referans Kwoze

5. Mose 19:15

Te vell i čilačo koova glan i čačepangre anlo, hi gar doha, te dikas kokres yek morsh kova. Na-a douy te triin hounte penenn, te dikan le koles koy pashel, har lo kava koova kras. Palle nay denn le les i phagi.

2. Korintarja 13:1

Kova hi o triinto kopo, kay vau pash t'mende. Ma bistrenn, hoy činlo hi: Te kamell yek i doosh ap i vavareste pre te čivell, hounte venn douy, triin koy pashel, kay penenn vin, hoy yon djinenna.

1. Timoteo 5:19

Ma shoun ap yekeste, kay anell i doosh ap i phoureder pre, te hi gar douy, triin patsle koy, kay penenn kova nay ninna, hoy yob kras.

Johanni 8:17

Ninna an o Moseskre lila hi činlo: Te penenn douy pral yekeste vin, yaake hi kova čačo.

Hebrearja 10:28

An o phouro tsiro his yaake: Ko mensho hounte meras, kay djivas gar yaake, har an o Moseskre lila činlo hi. Te dikan douy, triin menshe ko čilačo koova, hoy ko mensho kras, hounte meras yob. Oun kekes hounte khaytas yob.

5. Mose 17:6

Ap o rakepen douy, triin menshendar, kay kova dikan, venn le moulo dino. Ap o rakepen yekestar kokres, nay vell kek mensho moulo dino.

4. Mose 35:30

Koon i menshes moulo das, koles hounte denn moulo, te hi menshe koy, kay dikan oun penan kova. Hi gar doha, te penell yek mensho kokres, hoy lo dikas, yaake te vell ko vavar maredo.

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”