Mateo 17:5 - O Debleskro Lab 2024 (Sinte-Manouche)

⁵ Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

O Debleskro Drom 2021 (Sinte)

⁵ Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Mateo 17:5 Referans Kwoze

Mateo 3:17

Oun i rakepen dran o bolepen penas: “Kava hi miro čavo, koles me kamau. Pral leste hom me barhtelo.”

Mateo 12:18

O Devel penella: Dik, kova hi miro boudepaskro, kay me mange vin rodom. Koles kamau o djiyestar. Pral leste hom barhtelo. Me čivau miro Dourho ap leste. Oun yob penell i tsele menshenge, hoy me lendar kamau.

Markus 9:7

Koy vas i folka pral lende tele. Oun yon shounan i rakepen dran i folka: “Kava hi miro čavo, koles kamau o djiyestar. Shounenn ap leste!”

5. Mose 18:15

I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!

Johanni 3:35

O dad kamell o čaves, oun das halauter an leskro vast.

Markus 1:11

Oun i rakepen dran o bolepen penas: “Tou hal miro čavo, koles me kamau. Pral toute hom barhtelo.”

Debleskro tsiro 1:7

Dikenn, yob vella dran o bolepen, oun hakeno dikell les, ninna kolla, kay les ap o troushel dan. Oun an hake themma rovenn le pral leste, oun penenn le: “Patsams mer ap leste!” Ava, yaake hounte vell kova. Amen.

Louka 3:22

Oun o Debleskro Dourho vas har i parno čirklo ap leste tele. Oun i rakepen dran o bolepen penas: “Tou hal miro čavo, koles me kamau. Pral toute hom barhtelo.”

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Hebrearja 5:9

Oun yob kras kova lauter, oun či ačas pral, hoy hounte krals lo gomme. Yaake nay lell lo lauteren, kay ap leste shounenna, hako tsireske dran o čilačepen oun o merepen vin.

5. Mose 18:19

Oun ko mensho, kay gar ap mire laba shounell, hoy i rakepaskro an miro lab rakras, koleske dau me i phagi.

Bičepangre 7:37

Kova his o Mose, kay ap lende penas: O Devel bičrell t'menge i Debleskro rakepaskres har me hom. Kova hi yek t'mare menshendar.

Johanni 5:37

Ninna miro dad, kay bičras man, penas t'menge, koon me hom. T'mer shounan les gar, vitar gar dikan les t'mer.

Kolossarja 1:13

Yob las men vin dran i vasta kolestar, kay hi o ray pral o tamlepen oun o čilačepen, te djivas mer khetne peskro Čaveha, koles yob o djiyestar kamella. Kova hi maro ray,

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Jesaja 42:21

O baro Devel hi o čačepaskro. Doleske his leske shoukar, te sikrell lo, har baro oun raylo leskre čačepaskre laba hi.

5. Mose 5:22

Kal laba rakras o baro Devel ap t'mende halauter, har van khetne pash i berga. Dran i yag vin, dran koy kali pessi folka vin rakras lo bari golyah. Kek vavar lab čivas lo pashel. Oun yob činas len ap douy barra oun das len mande.

2. Mose 19:19

Oun koy phourdepaskri das zorleder oun zorleder gole. Oun o Mose rakras o Debleha. Oun o Devel rakras pale ap leste yaake zoreles, har o bolepen gole della.

Bičepangre 1:9

Har yob kova penas, vas yob glan lengre yaka an o bolepen hadedo, oun i folka las les pre.

Debleskri gili 81:7

Me lom t'mendar ko pharo koova tele, hoy ap t'mare phika his, oun t'mare vasta hounte hidjrenn bouder gar kol phare barra.

Hiob 38:1

Palle rakras o baro Devel o Hiobeha dran i baro phourdepen vin, oun penas ap leste:

Mateo 17:6

Oun har yon kova shounan, vitsran le pen i bari daryatar ap i phoub.

Debleskro tsiro 14:14

Oun me dikom i parni folka. Koy pre his yek beshdo, hoy dikas vin har i mensho. Koles his ap leskro shero i shereskro sonakay, oun an leskro vast his les i bangi čouri, hoy mishto činella.