Mateo 17:3 - O Debleskro Lab 2024 (Sinte-Manouche)

³ Oun ap yek kopo dikan le o Moses oun o Eliyas koy tardo, kay leha rakrenn.

O Debleskro Drom 2021 (Sinte)

³ Un ap jek kopo dikan le o Moses un o Elijas koi tardo, kai leha rakrenn.

Mateo 17:3 Referans Kwoze

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Markus 9:4

Oun ap yek kopo dikan le o Eliyas oun o Moses, kay rakran o Yezouseha.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Louka 16:16

An o phouro tsiro rikran pen i menshe ap kova, hoy o Mose oun i Debleskre rakepangre penan. Har vas o Yohanni, vas o Debleskro nevo tsiro. Kanna vell i menshenge o lačo lab penlo, te dell o Devel i menshen pash peste gole, te djivenn le leha khetne an yek harmenatsyona. Oun hakeno kamell zoryah yaake dren te vell, har yob kamella.

Louka 9:33

Oun har kol douy morsha kaman penge te djal, penas o Petro ap o Yezouseste: “Ray, hi mishto, te ham kay. Mouk men triin tikne khera te krell, yek touke, yek o Moseske, oun yek o Eliyeske.” Oun yob djinas gar, hoy rakrell lo kote.

Louka 1:17

Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

5. Mose 34:10

An kek tsiro his an Israel i vavar Debleskro rakepaskro har o Mose, koleha o baro Devel yak an yak rakras.

5. Mose 18:18

I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Mateo 17:4

Koy penas o Petro ap o Yezouseste: “Ray, hi mishto, te ham mer kate. Tou te kameh, krau me triin tikne khera kate, yek touke, yek o Moseske, oun yek o Eliyeske.”