Mateo 16:1 - O Debleskro Lab 2024 (Sinte-Manouche)

¹ Oun i Farisarya oun i Sadducarya van pash o Yezouseste. Yon kaman te taprenn le les leskre labentsa oun penan ap leste: “Kre menge i baro koova, hoy sikrell mende, te vell tiri zoor o Deblestar!”

O Debleskro Drom 2021 (Sinte)

¹ Un i Farisarja un i Sadduzarja wan pash o Jesuseste. Jon kaman te taprenn le les leskre labentsa un penan ap leste: “Kre menge i baro koowa, hoi sikrell mende, te well tiri soor o Deblestar!”

Mateo 16:1 Referans Kwoze

Louka 11:16

Vavar kaman lestar i baro Debleskro koova te dikell, te sikrell lo, kay o Devel les bičras.

Bičepangre 4:1

Har o Petro oun o Yohanni kova i menshenge penan, van i rashaya pash lende, ninna ko pralstouno kol klistendar an o Debleskro baro kheer, oun i Sadducarya.

Mateo 16:6

Oun o Yezous penas ap lende: “Denn yak! O shoutlo yarro hi gar mishto, hoy vell i Farisarendar oun i Sadducarendar!”

1. Korintarja 1:22

I bibolde kamenn baro oun zorelo koova te dikell. Kolla, kay kek bibolde hi, rodenn gosvepen ap kay phoub.

Johanni 8:6

Kova poučan le lestar, te nay taprenn le les an leskre laba, yaake te nay anenn le i doosh ap leste pre. O Yezous čivas pes glan tele, oun činas o goushteha an i phoub.

Bičepangre 5:17

Ko baro rashay oun kol Sadducarya, kay pash leste his, kolla zilveran ap o Yezouseskre bičepangre,

Louka 20:27

Koy van kol rashaya pash leste, kay ninna kharenna Sadducarya. Kolla patsenn gar, kay o Devel i moulen djido krella. Kolla poučan lestar:

Louka 20:23

O Yezous djinas, kay yon gosevo hi, oun yob penas ap lende:

Louka 10:25

His i dives, koy vas i biboldengro čačepaskro pash o Yezouseste. Oun kova poučas lestar čomone, te djinell lo, har gosevo o Yezous hi. Oun yob poučas lestar: “Sikepaskro, hoy hounte krap me, te lap o djipen, hoy gar pre-herella?”

Markus 12:18

Palle van i Sadducarya pash leste. Yon hi kolla, kay penenna: I moule venna bouder gar djido. Kolla poučan lestar:

Markus 12:15

Yob hayvas, te rakran le douy čipyentsa, oun penas ap lende: “Hoske kamenn t'mer man mire labentsa te taprell? Anenn mange i roupeni bema, te dikap lat!”

Markus 10:2

Oun i Farisarya van pash leste, oun kaman les leskre labentsa te taprell. Oun yon poučan lestar: “Nay moukell i morsh peskri romyat pal maro čačepen?”

Mateo 27:62

O vavar dives his o Debleskro dives. Oun i bare rashaya oun i Farisarya van pash o Pilateste khetne,

Mateo 23:2

oun penas: I biboldengre čačepangre oun i Farisarya, kolen hi o Moseskro vast, te penenn le i menshenge o Debleskro lab.

Mateo 22:23

Ap ko dives van i Sadducarya pash leste. Yon hi kolla, kay penenna: O Devel krell i moulen gar djido.

Mateo 22:18

O Yezous hayvas lengro čilačepen oun penas ap lende: “T'mer rakrenn douy čipyentsa. Hoske kamenn t'mer man an mire laba te taprell?

Mateo 22:15

Oun pal kova van i Farisarya khetne, oun rakran mank pende, har yon nay taprenn o Yezouses an leskre laba.

Mateo 19:3

Oun i Farisarya van pash leste, oun kaman les leskre labentsa te taprell. Oun yon poučan lestar: “Nay tradell i morsh peskri romyat pestar, ninna te kras li kek čilačepen?”

Mateo 15:1

Ap ko tsiro van i Farisarya oun i biboldengre čačepangre dran o foro Yerusalem pash o Yezouseste, oun penan ap leste:

Mateo 12:14

Koy djan i Farisarya vin, oun rakran khetne, har yon les nay marenna.

Mateo 9:11

Oun har i Farisarya kova dikan, penan le ap i Yezouseskre malende: “Hoske rhal t'maro sikepaskro kolentsa, kay lenna i biboldendar kol love i Remaryenge dren, oun kol vavarentsa, kay ninna pale-čiddo hi?”

Mateo 5:20

Oun me penau t'menge: T'mer nay djivenn gar o Debleha khetne an o bolepen, te krenn t'mer gar, hoy o Devel kamella. Oun t'mer hounte krenn kova feteder, har i biboldengre čačepangre oun i Farisarya kova krenna.

Gosewe laba 26:5

Rake i dineleha, kay rakrell dineles ap toute, yaake te hayvell lo, har dinelo yob hi.