Mateo 15:16 - O Debleskro Lab 2024 (Sinte-Manouche)

¹⁶ Penas lo: Hayvan t'mer kova vitar gar?

O Debleskro Drom 2021 (Sinte)

¹⁶ Penas lo: Haiwan tumer kowa witar gar?

Mateo 15:16 Referans Kwoze

Mateo 16:9

T'mer hayvan man gar. Bistran t'mer kol panč mare, hoy dom kol panč zerya menshende te rhal? Oun pal ko rhapen hadan t'mer deesh-te-douy marengre gone pherdo maro pre, hoy pral ačas.

Markus 9:32

Oun yon hayvan kol laba gar oun trashan, te poučenn le lestar.

Markus 7:18

Oun yob penas ap lende: “Hayvan t'mer vitar gar? Hayvan t'mer gar, kay lauter, hoy an o mensheskro mouy dren vella, kova nashte krell les gar pale-čiddo.

Louka 9:45

Kal laba hayvan le gar. Kova, hoy yob lenge kate penas, djas gar an lengro shero dren. Yaake djinan le gar, pral hoy yob rakras oun trashan, te poučenn le lestar pral kol laba.

Mateo 15:10

Oun o Yezous das kol tsele menshende pash peste gole, kay kote tardo his. Oun yob penas ap lende: “Shounenn oun hayvenn mishto, hoy me t'menge penau!

Hebrearja 5:12

T'mer han yaake rah patslo, kay hounte vans sikepangre i vavar menshenge. Kova han t'mer gar. T'mende hounte vell pale o Debleskro drom siklo har djinans les gomme gar. Yaake han t'mer har tikne čave, kay piyenna thoud, oun nay rhan kek morsheskro rhapen.

Louka 24:45

Oun palle das lo len gosvepen, te hayvenn le o Debleskro lab,

Louka 18:34

Leskre mala hayvan kek lab. Kova, hoy yob lenge kal labentsa kamas te penell, djas gar an lengro shero dren. Oun yon djinan gar, pral hoy yob rakras.

Markus 6:52

Ninna te dikan le, hoy yob kol panč marentsa kras, hayvan le gar, havi zoor les hi. Lengro dji his har bar.

Mateo 16:11

Hayvenn t'mer kanna, kay me rakrom gar pral o maro, har penom: Denn yak! O shoutlo yarro hi gar mishto, hoy vell i Farisarendar oun i Sadducarendar!”

Mateo 13:51

Hayvan t'mer kava lauter? Oun yon penan ap leste: “Ava.”

Mateo 15:15

O Petro penas leske: “Pen menge, hoy kameh menge te penell kal labentsa pral o pale-čiddo koova?”

Mateo 15:17

Hayvenn t'mer gar, kay lauter, hoy i mensho rhala, djal an o per dren, oun palle dran o mensheste vin?