Mateo 14:20 - O Debleskro Lab 2024 (Sinte-Manouche)

²⁰ Oun yon rhan lauter, oun van čalo. Oun pal o rhapen hadan le kol kotya mare pre, hoy pral ačan. Oun deesh-te-douy marengre gone van pherdo.

O Debleskro Drom 2021 (Sinte)

²⁰ Un jon chan lauter, un wan tchalo. Un pal o chapen hadan le kol kotja mare pre, hoi pral atchan. Un deesh-te-dui marengre gone wan pherdo.

Mateo 14:20 Referans Kwoze

2. Mose 16:12

“Me shounom, har rhoyedo i Israelitarya his. Rake ap lende oun pen: An i rat rhan t'mer mass. Oun taysarlakro rhan t'mer t'men čalo ap o maro, te dikenn, te hom me t'maro baro Devel.”

2. Mose 16:8

Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”

Louka 9:17

Oun yon rhan, oun van lauter čalo. Oun yon hadan kol kotya pre, hoy pral ačan. Koy van deesh-te-douy marengre gone pherdo.

Louka 1:53

Kolen, kay bok his, das yob te rhal. Oun kol bravelen bičras lo krik. Oun yon nay lan či peha.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Johanni 6:7

O Filipo penas: “Ninna te vals men douy-sheel roupene beme, vals kova gar doha, te lell hakeno i tikno kotar maro.”

Mateo 15:33

Oun leskre mala poučan lestar: “Kay las mer doha maro an kava moulo them kal boud menshenge, te venn le čalo?”

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Haggai 1:6

T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

Gosewe laba 13:25

Koles, kay an o čačepen tardo hi, hi doha rhapaske. O per i čilačestar bokella.

Mateo 14:21

Kolla, kay rhan, his nay yaake panč zerya (5.000) morsha. Ninna boud djouvya oun čave his kote pashel.