Mateo 13:3 - O Debleskro Lab 2024 (Sinte-Manouche)

³ Oun o Yezous rakras ap lende boud save laba, kay hi i khatedo čačepen dren. Oun yob penas: I harho djas vin, te vitsrell lo o tikno djob ap peskro kotar them, te vell ko djob bares.

O Debleskro Drom 2021 (Sinte)

³ Un o Jesus rakras ap lende bud sawe laba, kai hi i khatedo tchatchepen dren. Un job penas: I hacho djas win, te witsrell lo o tikno djob ap peskro kotar them, te well ko djob bares.

Mateo 13:3 Referans Kwoze

Markus 4:13

Palle penas lo ap lende: Te hayvenn t'mer kal laba gar, har kamenn t'mer kol tsele vavar laba te hayvell?

Markus 4:33

Oun o Yezous penas lenge boud save laba, kay i khatedo čačepen dren hi. Yob penas lenge o Debleskro lab yaake, har yon nay hayvan kova.

Mateo 13:53

Oun har o Yezous i menshenge kol tsele laba penas, kay i khatedo čačepen dren hi, stas lo pre oun djas peske.

Debleskri gili 78:2

Me kamau te rakrap i goseve labentsa pral i phoure tsirya.

Markus 12:12

Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.

Debleskri gili 49:4

Miro mouy rakrell goseve laba, oun dran miro dji vell kova, hoy mishto hayvom.

Johanni 16:25

Kova penom me t'menge gar an o mouy. O dives vella, kay me rikrau bouder či pale. Palle rakrau t'mentsa miro dadestar yaake, kay hayvenna halauter.

Louka 12:41

O Petro penas: “Ray, hi kova, hoy tou kate peneh, menge kokres? Peneh tou kova i tsele menshenge?”

Louka 8:10

Penas lo ap lende: “O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kova djinenn i vavar menshe gar. Lenge penau laba, kay o čačepen dren khatedo hi. Me rakrau yaake, te dikenn le kova nay, oun hayvenn les gar, oun yaake, te shounenn le les nay, oun hayvenn les gar.

Markus 12:1

Oun o Yezous penas lenge laba, kay i khatedo čačepen dren hi. Oun yob penas: His i morsh, koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas lo ko kotar phoub ap i harhende, te boudrenn le kote leske. Oun yob djas peske an i vavar them.

Markus 3:23

Oun o Yezous kharas len khetne, oun rakras ap lende laba, kay i khatedo čačepen dren hi. Oun yob penas: Har nay tradell o beng o benges vin?

Mateo 24:32

Me kamau te sikrap t'mende čomone. Dikenn ap o faygetikro rouk! Te venn leskre kashta zenelo, oun i patria venn dran lende vin, palle djinenn t'mer, te vell sik o niyal.

Habakuk 2:6

O dives vell, kay givenn kolla lauter i sapaskri gili pral koleste, kay rikras len tele, oun rakrenn laba, kolentsa yon pral leste san. Yon penenna: Djungeles djal touke, kay leh touke, hoy gar tiro hi! Har rah kameh yaake doureder te krell, oun bravelo te vell ko koveha, hoy kolla hounte denn tout, kolen siyaan pash toute hi?

Micha 2:4

An ko tsiro givenn le i sapaskri gili pral t'mende, oun krenn t'men palla, har t'mer rovenn: “Halauter hi nashedo. Mer ham khetne maredo! Maro them las o Devel mendar, oun das les kolende, kay lan men pandlo.”

Ezekiel 17:2

Tou, mensho, pen i menshenge dran o kheer Israel phare laba, oun pouč lendar, hoy kamenn kolla te penell!

Mateo 22:1

Oun o Yezous rakras pale save laba ap lende, kay i khatedo čačepen dren hi. Oun yob penas:

Mateo 13:4

Oun i tikne kotya peran ap o drom, oun i čirkle rhan len pre.