Mateo 13:14 - O Debleskro Lab 2024 (Sinte-Manouche)

¹⁴ Ap kolende vell kova čačo, hoy penas o Debleskro rakepaskro, o Yesaya, glan i rah tsiro: T'mer shounenn oun hayvenn či. Oun t'mer dikenn oun hayvenn vitar či.

O Debleskro Drom 2021 (Sinte)

¹⁴ Ap kolende well kowa tchatcho, hoi penas o Debleskro rakepaskro, o Jesaja, glan i rah tsiro: Tumer shunenn un haiwenn tchi. Un tumer dikenn un haiwenn witar tchi.

Mateo 13:14 Referans Kwoze

Ezekiel 12:2

Tou, mensho, djiveh mank save menshende, kay moukenn pen či te penell. Kolen hi yaka, te dikenn le, oun kamenn či te dikell. Oun len hi kanda, te shounenn le, oun kamenn gar te shounell. Yon moukenn pen či te penell.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

Louka 8:10

Penas lo ap lende: “O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kova djinenn i vavar menshe gar. Lenge penau laba, kay o čačepen dren khatedo hi. Me rakrau yaake, te dikenn le kova nay, oun hayvenn les gar, oun yaake, te shounenn le les nay, oun hayvenn les gar.

Markus 4:12

te nay dikenn le kova pengre yakentsa, oun hayvenn les gar, oun te nay shounenn le les, oun hayvenn les gar, te venn le gar pash o Debleste, te lell lo lengri doosh lendar.

5. Mose 29:4

40 (star-deesh) bersha djas lo glan t'mende an o moulo tato them: T'mare koola djan gar paash, oun t'mare kirrha ap t'mare pire nashan pen gar tele.

Jeremia 5:21

Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

Remarja 10:16

Gar halauter shounenn ap ko lačo lab. O Debleskro rakepaskro, o Yesaya penas: Ray, koon patsas kova, hoy mer lenge penam?