Mateo 13:12 - O Debleskro Lab 2024 (Sinte-Manouche)

¹² Koon o Debleskro lab an peskro dji rikrella, kova hayvell les boud oun boudeder. Koon o Debleskro lab gar an peskro dji rikrella, koleske vell ninna kova krik lino, hoy yob patsell, te hi les.

O Debleskro Drom 2021 (Sinte)

¹² Koon o Debleskro lab an peskro dji rikrella, kowa haiwell les bud un budeder. Koon o Debleskro lab gar an peskro dji rikrella, koleske well ninna kowa krik lino, hoi job patsell, te hi les.

Mateo 13:12 Referans Kwoze

Mateo 25:29

Hakeno, kay hi les boud, kova lell boudeder. Yaake vell les boud bravlepen. Oun kova, kay hi les gar boud, kolestar vell ninna kova krik lino, hoy les hi.

Louka 8:18

Denn yak, te shounenn t'mer ap o Debleskro lab! Koon o Debleskro lab an o dji rikrella, kova hayvell les boud oun boudeder. Koon o Debleskro lab gar an o dji rikrella, koleske vell ninna kova krik lino, hoy yob patsell, te hi les.”

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Mateo 21:43

Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

Louka 16:2

moukas lo les gole te dell, oun penas ap leste: Hoy shounom me pral toute? Sike mande kol lila, hoy dren činlo hi, har boud love tou dren lal! Tou nay deh bouder gar ap miro bravlepen garda!

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Louka 9:26

Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

Markus 12:9

Hoy krell kanna ko ray pral ko drakengro them? Yob vella, oun marell kol harhen, oun dell ko drakengro them i vavaren.

Louka 12:48

Koon kova krella, hoy gar mishto hi, oun djinell kova gar, lell gar boud dava. Koon boud o Deblestar las, kolestar kamell yob, te krell lo peskri boudi mishto. Oun kones boud zoor oun gosvepen dino vas, kolestar kamell o Devel, te boudrell lo gomme feteder.”

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.