Mateo 11:24 - O Debleskro Lab 2024 (Sinte-Manouche)

²⁴ Me penau t'menge: Ap ko dives, kay rakrell o Devel o čačepen pral i tsele menshende vin, lenn t'mer i bareder phagi, har kol menshe an o foro Sodom.

O Debleskro Drom 2021 (Sinte)

²⁴ Me penau tumenge: Ap ko diwes, kai rakrell o Dewel o tchatchepen pral i tsele menshende win, lenn tumer i bareder phagi, har kol menshe an o foro Sodom.

Mateo 11:24 Referans Kwoze

Mateo 10:15

Čačepah, me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kolla, kay djivan an i forya Sodom oun Gomorra.

Mateo 11:22

Ap ko dives, kay rakrell o Devel o čačepen vin pral i tsele menshende ap i phoub, djal kol menshenge an i forya Sidon oun Tirus feteder har t'menge kate.

Markus 6:11

Kote, kay lenn le t'men gar an pengro kheer dren, oun kamenn gar ap t'mende te shounell, kote djan doureder, oun denn koy čik t'mare pirendar tele! Kova sikrell kol menshende, kay yon čilačo hi.”

Ropaskre gilja 4:6

Koy doosh, hoy mire menshe ap pende anan, hi bareder har koy doosh, hoy anan i menshe an o foro Sodom pral pende. Kolengro foro djas sik tele, oun kek vast vas lenge ap i rig.

Louka 10:12

Me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kol menshe an o foro Sodom.”

Jeremia 23:14

Ko djoungelo koova, hoy dikau pash mire rakepangre an Yerusalem, hi gomme bareder: I morsha rhorhenn pengre romyen, oun i djouvya pengre romen; yon rakrenn rhorhepen, oun krenn i čilačen zorelo. Yaake rikrenn le i menshen pale, te moukenn le pengro čilačo drom. Kal rakepangre hi yaake čilačo har i menshe an Sodom oun Gomorra his.

Ezekiel 16:48

Doleske dau man sovel pash miro djipen, me o baro Devel, t'maro ray: I Sodom, tiri pheen, oun lakre ča kran gar savo vi-ladjedo koova, har kral tou oun tire ča!

Mateo 23:14

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen. T'mer lenn i khera i djouvyendar krik, kolengre romma moulo hi. T'mer te rakrenn o Debleha, rakrenn t'mer i rah tsiro, te dikenn i menshe har patslo t'mer han. O Devel rakrell o čačepen pral t'mende vin, oun t'mer lenn i zorleder phagi har i vavar.