Markus 8:33 - O Debleskro Lab 2024 (Sinte-Manouche)

³³ Oun o Yezous rissras pes trouyel, dikas ap peskre malende, oun das o Petres trad oun penas: “Dja touke, tou beng! Tou kameh gar, hoy o Devel kamella, na-a, tou kameh, hoy i menshe kamenna.”

O Evangelio Jezus Kristusester pala Markus 1912 (Sinte)

³³ Job ta riserdes pes drumo leste, dikhes ape lesker sikermangerende, preterdes o Petruses ta phendes: Dža pala mande, satan! Tu hajeve kava gar ho Devleske hi, foni kava kai hi o dženenge.

O Debleskro Drom 2021 (Sinte)

³³ Un o Jesus rissras pes trujel, dikas ap peskre malende, un das o Petres trad un penas: “Dja tuke, tu beng! Tu kameh gar, hoi o Dewel kamella, na-a, tu kameh, hoi i menshe kamenna.”

Markus 8:33 Referans Kwoze

Mateo 4:10

Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

1. Johanni 2:15

Ma kamenn ko koova, hoy i menshe ap kay phoub kamenna! Ma kamenn ko koova, hoy i menshe ap kay phoub krenna! Te kamell yek ko koova, hoy i menshe ap kay phoub kamenna, kova kamell gar o Debles, maro dades an o bolepen.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

1. Petro 4:1

O Yezous Kristo las bare douka ap peste, har yob ap i phoub his. Doleske, ma darenn, te venn ninna douka ap t'mende. Koon an peskro djipen douka hayvas, kova moukell o čilačepen.

1. Timoteo 5:20

Kolla, kay kran čilačo koova, kolen dess trad glan lauterende, te vell kol vavaren daar.

1. Korintarja 5:5

te merell leskro phouro djipen an leste, yaake te djal ko mensho gar nashedo ap ko dives, kay vell maro ray Yezous pale.

Louka 22:61

Oun o Yezous rissras pes trouyel, oun dikas o Petres an i yaka. Oun o Petreske van kolla laba an o shero, hoy o Yezous ap leste penas: “O bashno dell gar gole yaake rah, har tou gar triin kope penal, te prindjreh man gar.”

Markus 3:34

Oun yob dikas trouyel ap kolende, kay his troul leste beshdo, oun penas: “Dikenn, koya hi miri day, oun kolla hi mire phrala.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

Mateo 15:23

O Yezous penas či ap late. Koy van peskre mala pash leste, oun penan ap leste: “Yoy dell savi bari gole pal mende. Biče lat toutar!”

2. Samuel 19:22

O Abishay, koleskri day i Serouya his, penas: “O Shimi hounte merell. Yob praasas koles, kay vas o baro Deblestar vi-rodedo, te vell lo baro ray.”

3. Mose 19:17

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

Tito 1:13

Oun kova, hoy ko sikepaskro penas, hi čačo. Doleske pen lenge, hoy pash lende gar mishto hi, oun de len trad, te djan le čačes ap o Debleskro drom.

Louka 9:55

O Yezous rissras pes trouyel, oun čingras ap lende.

Louka 4:8

Koy penas o Yezous: “An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Hiob 2:10

O Hiob penas ap late: “Tou rakreh yaake har i dineli čay rakrell. O lačepen lam o Deblestar. Las mer gar ninna o čilačo koova lestar?” Ninna te vas kova lauter yaake, anas o Hiob kek doosh ap peste oun vitsras o Debleske kek čilačepen glan.

Mateo 16:23

O Yezous rissras pes trouyel, oun penas ap o Petreste: “Dja touke, tou beng! Tou kameh man o Debleskro dromestar tele te anell. Tou kameh gar, hoy o Devel kamella. Na-a, tou kameh, hoy i menshe kamenna.”