Markus 7:34 - O Debleskro Lab 2024 (Sinte-Manouche)

³⁴ Palle dikas lo pre ap o bolepen, las i baro dourho, oun penas ap leste: Effata! Kova kharella: Kre tout pre!

O Evangelio Jezus Kristusester pala Markus 1912 (Sinte)

³⁴ dikhes api bolapen pre, ta phendes apo leste: Efata! kava hi: Ker tuke pre!

O Debleskro Drom 2021 (Sinte)

³⁴ Palle dikas lo pre ap o bolepen, las i baro ducho, un penas ap leste: Effata! Kowa kharella: Kre tut pre!

Markus 7:34 Referans Kwoze

Johanni 11:41

Koy čivan le ko bar ap i rig. Oun o Yezous dikas pre, oun penas: “Tata, me parkrau man, kay shounal man.

Markus 6:41

Oun yob las kol panč mare oun kol douy mače an i vasta, dikas pre ap o bolepen, parkras pes pash o Debleste, oun phagas kol mare an kotya. Palle das lo len peskre malende, te denn le kova i menshende. Oun kol douy mače das lo ninna i tsele menshende.

Markus 5:41

Oun yob tapras kol čat pash o vast, oun penas ap late an peskro rakepen: “Talita kumi!” Kova kharella: Čay, me penau touke, ste pre!

Bičepangre 9:34

O Petro penas ap leste: “Aneas, o Yezous Kristo krell tout sasto. Ste pre oun kre kokres tiro čiben!” Koy stas yob sik pre.

Johanni 11:33

Har o Yezous dikas, kay yoy rovella oun kol bibolde ninna, kay lah van, djas kova leske phares an o dji. Oun leskro dji rovas.

Markus 15:34

Oun har trinenge his, das o Yezous bari gole: Eloy, Eloy, lema sabaktani? Kova kharella: Miro Devel, miro Devel, hoske moukal man tou?

Markus 8:12

Yob las i baro dourho oun penas: “Hoske kamenn kol menshe, kay djivenna kava dives, i baro Debleskro koova te dikell? Me penau t'menge o čačepen: Yon dikenna kek savo koova.”

Bičepangre 9:40

Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.

Johanni 11:43

Har yob kova penas, das lo zoreles gole: “Lazaro, am vin!”

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Johanni 17:1

Pal kol laba dikas o Yezous pre an o bolepen oun penas: “Tata, o tsiro hi kay. Sike, havo raylepen oun havi zoor tou tiro čaveste dal, te sikrell yob ninna tiro raylepen oun tiri zoor!

Johanni 11:38

Kova djas o Yezouseske pale phares an o dji. Oun yob vas pash ko moulengro kheer, kay o Lazaro paskedo his. Glan ko moulengro kheer his i bar čiddo.

Johanni 11:35

Oun o Yezous rovas.

Louka 19:41

Oun har o Yezous pash o foro Yerusalem vas, rovas lo pral i menshende an kava foro,

Louka 18:42

Penas o Yezous: “Palle dik! Tiro patsepen kras tout sasto.”

Louka 7:14

Oun yob djas pash o morhton, oun čivas peskro vast ap leste. Oun kolla, kay o morhton hidjran, ačan tardo. Oun yob penas: “Terno morsh, me penau touke: Ste pre!”

Markus 1:41

Oun o Yezouses khaytas kova, oun yob čivas peskro vast ap leste, oun penas ap leste: “Me kamau, te vess sasto.”

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

2. Mose 2:23

Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

Markus 7:35

Oun ap yek kopo kran pen leskre kanda pre. Oun leskro čip his bouder gar pandlo, oun yob rakras nay mishto.