Markus 4:19 - O Debleskro Lab 2024 (Sinte-Manouche)

¹⁹ Palle dikenn le ap i phoubyakro koova. Yon kamenn bravelo te vell, oun o bravlepen krell len gar barhtelo. Oun len hi bok pal boud vavar koova. Oun kova lauter tassrell ko lab, hoy shounan le. Oun ko lab nay rakrell bouder gar an lengro dji.

O Evangelio Jezus Kristusester pala Markus 1912 (Sinte)

¹⁹ ta kova phubienger traš, o chochepen o bravalepenester, ta o kamapen o vaver pedenca vejene čorochanes drin, ta pucene o lab, keake ta ačene kenk gibester.

O Debleskro Drom 2021 (Sinte)

¹⁹ Palle dikenn le ap i phubjakro koowa. Jon kamenn brawelo te well, un o brawlepen krell len gar bachtelo. Un len hi bok pal bud wawar koowa. Un kowa lauter tassrell ko lab, hoi shunan le. Un ko lab nai rakrell buder gar an lengro dji.

Markus 4:19 Referans Kwoze

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

Mateo 19:23

Oun o Yezous penas ap peskre malende: “Čačepah, me penau t'menge: Pharo hi i braveleske, te vell lo ap o Debleskro drom.

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Louka 10:41

Koy penas o ray: “Marta, Marta, tou mareh tout tele, oun kreh touke boud boudi.

Jesaja 5:4

Hoy hounte kroms boudeder an miro drakengro them, hoy gar krom? Hoske anas lo divye shoutle drake vin? Oun me patsom, te hi le lačo oun goudlo.

Jesaja 5:2

Oun yob rissras koy phoub, oun las i tsele barra krik, oun čivas vi-rodede, lače drakengre rouka an koy phoub. Oun yob čivas i turmo pre tardo mashkral dren. Oun hadas i grouba vin, kay venn i drake vin stakedo, te vell o mool vin. Oun palle dikas lo ap ko tsiro, kay venn i drake bares, – lače drake, patsas lo. Har ko tsiro vas, van divye shoutle drake baro.

2. Petro 1:8

Te krenn t'mer kova lauter, oun djan doureder ap kava drom, palle prindjrenn t'mer maro rayes, o Yezous Kristes, boudeder oun feteder.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

Mateo 3:10

T'mer han har rouka, kay venna tele dino. I tover hi koy čiddo, te vell ko tselo rouk tele dino. Hako rouk, hoy hidjrella kek lačo koova, vell tele dino, oun an i yag vitsedo.

Gosewe laba 23:5

Te dikeh tire yakentsa pre, hi o bravlepen gar bouder koy, yaake sik hi lo krik har i čirklo, hoy hadell peskre moussya oun hadell pes an o bolepen.

Gosewe laba 23:4

Ab yaake gosevo, te maress tout gar tele, bravelo te vell.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Markus 4:18

Vavar menshe hi har ko kotar phoub, kay o djob tel i soubyengre bourra peras. Kal menshe shounan ko lab.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.