Markus 16:19 - O Debleskro Lab 2024 (Sinte-Manouche)

¹⁹ Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

O Evangelio Jezus Kristusester pala Markus 1912 (Sinte)

¹⁹ Ta o rai Jezus, her ta rakerdeslo lenca, veles pre‐ando ani bolapen, kote bešelo paši čači o Devleste.

O Debleskro Drom 2021 (Sinte)

¹⁹ Har o rai Jesus jaake lentsa rakras, was lo pral an o bolepen hadedo, un beshas pes ap o Debleskri tchatchi rig.

Markus 16:19 Referans Kwoze

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Remarja 8:34

Kek nay penell ap mende: Tou djal nashedo! O Yezous Kristo meras menge. Oun kova hi gar lauter. O Devel kras les ninna i moulendar djido. Oun yob hi ap leskri čači rig, oun rakrell menge mishto.

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Hebrearja 8:1

Kova hounte djinenn t'mer: Men hi i baro rashay, kova hi o Yezous Kristo. An o bolepen hi lo beshdo ap i čači rig o Deblestar.

Kolossarja 3:1

O Devel kras t'men o Yezous Kristeha i moulendar djido. Doleske čivenn t'maro dji ap kova, hoy hi an o bolepen! Kote hi o Yezous Kristo ap i čači rig o Deblestar beshdo!

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Johanni 6:62

Hoy krans t'mer, te dikans t'mer, te djal o Mensheskro Čavo pale an o bolepen?

Louka 9:51

Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

Hebrearja 9:24

Kova hi o Yezous Kristo. Yob djas gar an o Debleskro kheer, hoy i menshe kran, oun hoy sikrell mende kokres i tikno kotar ko čačo Debleskro kherestar an o bolepen. Na-a, yob djas an o bolepen glan o Debleste, te mangell lo les menge.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Bičepangre 3:21

Yob ačell an o bolepen yaake rah, bis te vell ko tsiro, kay vella lauter neves kerdo. Kova penan menge o Debleskre rakepangre glan i rah tsiro. O Devel penas les lenge.

Johanni 21:22

Penas o Yezous ap leste: “Te kamau me, te ačell yob djido, bis te vau pale, palle hi kova gar tiro koova. Am tou mantsa!”

Johanni 21:15

Pal o rhapen penas o Yezous ap o Simon Petreste: “Simon, tou o Yohanneskro čavo, kameh tou man boudeder har kal tsele vavar man kamenna?” “Ava, ray!” penas yob ap leste. “Tou djineh, kay me kamau tout o djiyestar.” “De mire tikne bakren te rhal!” penas o Yezous.

Johanni 17:13

Kanna vau me pash toute. Kova rakrau lauter yaake rah, har hom me ap kay phoub, te vell koy barht an lengre djia yaake bari, bareder djal gar.

Johanni 16:28

Me vom o dadestar, oun vom ap kay phoub. Oun me moukau pale kay phoub, oun djau pash miro dadeste.”

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Markus 16:20

Oun yon djan, te penenn le i menshenge o lačo lab o Yezous Kristestar an hake gaba oun forya. Oun o ray Yezous his pash lende peskri zoryah, oun kras baro koova, kay nay krell kek mensho. Oun yaake dikan i menshe, kay leskro lab čačo hi.

Louka 22:69

Ko tsiro vell sik, kay me, o Mensheskro Čavo, hom beshdo ap i čači rig o zorelo Deblestar.”

Bičepangre 1:22

ko tsirestar, kay moukas yob pes o Yohannestar te taufrell, bis ap ko dives, kay vas lo mendar an o bolepen lino. Kava morsh hounte penell mentsa khetne i menshenge, kay o Yezous i moulendar pre stas.