Markus 15:32 - O Debleskro Lab 2024 (Sinte-Manouche)

³² Te hi lo ko baro ray, koles o Devel bičras, ko baro ray pral o Israel, palle nay djals yob o troushelestar tele, te dikas mer kova oun te nay patsas ap leste.” Oun kolla douy, kay van langs leste ap pengro troushel dino, praasan les ninna.

O Evangelio Jezus Kristusester pala Markus 1912 (Sinte)

³² Christus o kralo o Izraelester, ve kome tele i trušuleste, me ta dikhahas ta pacahas les. Nina kola kai vejen leske trušuldeni praserden les.

O Debleskro Drom 2021 (Sinte)

³² Te hi lo ko baro rai, koles o Dewel bitchras, ko baro rai pral o Israel, palle nai djals job o trushelestar tele, te dikas mer kowa un te nai patsas ap leste.” Un kolla dui, kai wan langs leste ap pengro trushel dino, praassan les ninna.

Markus 15:32 Referans Kwoze

Mateo 27:44

Ninna kol douy marepangre praasan les, kolla kay langs leste ap pengro troushel dino van.

2. Timoteo 2:18

Yon moukan o čačo drom, oun penenn rhorhepen, te penenn le: “Ko tsiro his koy, kay o Devel i moulen djido kras.” Hi patsle koy, kolenge krell kava rakepen pengro patsepen paash.

Mateo 1:17

Kol tsele phoure, kay djivan yek pal o vavar pal o Abraham oun glan o David, his deesh-te-star phoure. Oun kol tsele phoure, kay djivan yek pal o vavar pal o David oun glan ko tsiro, kay van i Israelitarya an o them Babilonia anlo, his deesh-te-star phoure. Oun kol tsele phoure, kay djivan yek pal o vavar pal ko tsiro, oun glan o Yezous Kristo, his ninna deesh-te-star phoure.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Zefanja 3:15

O baro Devel las t'mari phagi t'mendar krik, oun tradas kolen krik, kay rikran t'men tele. O baro Devel hi o baro ray pral Israel, oun hi pash t'mende. T'mer hounte trashenn bouder kek bibarht.

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Remarja 3:3

Ninna te djan le gar lauter ap o Debleskro drom, rikras o Devel peskro lab, oun čivas len gar ap i rig.

Johanni 12:13

Koy lan le patria, kay phagan le tele, oun djan dran o foro pash leste, oun dan gole: “Sharas o Debles! Sharedo vell kova, koles o Devel bičras, o baro ray pral Israel!”

Johanni 1:49

“Sikepaskro,” penas o Natanael, “tou hal o Debleskro čavo. Tou hal o baro ray pral Israel.”

Markus 15:26

Oun pral leste ap i kasht his činlo, hoske yob hounte meras. Koy pre his činlo: O baro ray pral i biboldende.

Mateo 27:42

“Vavaren las yob dran o merepen vin. Pes kokres nay lell lo gar dran o merepen vin. Te hi lo o baro ray pral o Israel, palle vell lo kanna o troushelestar tele. Palle patsah ap leste.

Markus 15:27

Khetne leha dan le douy marepangren ap o troushel. Ko yekeskro troushel his čačes lestar, ko vavareskro troushel his serves lestar.