Markus 14:49 - O Debleskro Lab 2024 (Sinte-Manouche)

⁴⁹ Hako dives homs pash t'mende an o Debleskro baro kheer oun sikrom i menshende o Debleskro drom. Oun t'mer tapran man gar. Kava koova vell yaake, te vell čačo, hoy o Debleskre rakepangre glan i rah tsiro an pengre lila činan.”

O Evangelio Jezus Kristusester pala Markus 1912 (Sinte)

⁴⁹ Hako dives homes me paš tumende ani kangeri ta sikerdomes ta tume taperdanes man gar. Tu hunte veles her ani činapen tardo hi.

O Debleskro Drom 2021 (Sinte)

⁴⁹ Hako diwes homs pash tumende an o Debleskro baro kheer un sikrom i menshende o Debleskro drom. Un tumer tapran man gar. Kau koowa well jaake, te well tchatcho, hoi o Debleskre rakepangre glan i rah tsiro an pengre lila tchinan.”

Markus 14:49 Referans Kwoze

Johanni 18:20

O Yezous penas ap leste: “Me rakrom glan i tsele menshende yaake, kay hakeno kova nay shounas. Hako tsiro rakrom an i biboldengri kangri oun an o Debleskro baro kheer, kay i tsele bibolde khetne van. Me penom či čorrhanes.

Johanni 8:2

O vavar dives taysarlake vas yob pale an o Debleskro baro kheer. Oun i tsele menshe van pash leste. Oun yob beshas pes tele, oun penas lenge o Debleskro lab.

Louka 22:37

Me penau t'menge: Hi činlo pral mande an o Debleskro lab: Yon penenn lestar, te hi lo yek lendar, kay čilačo hi. Čačepah, lauter, hoy pral mande činlo vas, vella čačo.”

Markus 12:35

Oun har o Yezous an o Debleskro baro kheer i menshenge o Debleskro lab penas, poučas lo i menshendar: Hoske penenn kol biboldengre čačepangre, kay ko baro ray, koles o Devel bičrell, o Davideskro čavo hi?

Mateo 26:56

Kava lauter hounte djas, te vell čačo, hoy o Debleskre rakepangre glan i rah tsiro an pengre lila činan.” Har peskre mala kova shounan, nashan le penge lauter lestar.

Mateo 26:54

Kova te kroms, palle nay vals kova gar čačo, hoy an o Debleskro lab činlo hi.”

Mateo 1:22

Kova lauter vas yaake, te vell ko lab čačo, hoy o Devel ap peskro rakepaskro penas:

Johanni 10:23

O Yezous his an o Debleskro baro kheer, oun djas an koy isema trouyel, hoy kharella Salomeskri isema.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

Louka 19:47

Hako dives djas o Yezous an o Debleskro baro kheer oun sikras i menshende o Debleskro drom. I bare rashaya, i biboldengre čačepangre oun i vavar pralstoune rodan i drom, te marenn le les.

Markus 11:27

Oun yon van pale an o foro Yerusalem. Oun har yob an o Debleskro baro kheer trouyel djas, van i bare rashaya, i biboldengre čačepangre oun phoureder pash leste,

Mateo 26:55

Oun koy pre penas lo ap kol tsele morshende, kay troul leste tardo hi: “T'mer van i rharentsa oun i kashtentsa pash mande, har te voms i marepaskro. Hako dives homs an o Debleskro baro kheer oun sikrom i menshende o Debleskro drom. Oun t'mer tapran man gar.

Markus 10:1

Oun o Yezous djas doureder oun vas an ko them Youdea oun an o them ap i vavar rig o panyestar Yordan. Oun pale nashan boud menshe pash leste khetne. Oun yaake har yob boud kope kras, kras lo kote ninna, oun penas lenge o Debleskro lab.

Markus 14:48

Oun o Yezous penas ap lende: “T'mer van i rharentsa oun i kashtentsa pash mande, har te voms i marepaskro.

Markus 14:50

Har peskre mala kova shounan, moukan le les lauter oun nashan penge.